الله يوفقك

قدمي على مدارس اهلية الان + معاهد تدريب
قدمي وظائف في غير تخصصك حتى لو بثانوية إلى أن تأخذي خبرة ولا تحسبي أن تخصص اي احد غيرك احسن منك الكثير يعملوا في غير تخصصهم وغير مؤهلهم لان الكثير من الشركات يريدوا تقليل الراتب بالثانوية والدبلوم .

يعطيكم العافية

بالنسبة للمدارس الأهلية حاليا مافيه مجال

لان الاجازة جت ,, يعني لو فيه توظيف بيكون بعد 4 شهور


ويبدو إني أببدأ أبقدم بالشهادة الثانوية

ماقصرتوا ❤💜

صراحة بالقطاع الخاص مايناظرون الشهاده اصلا ولايطلبونها

خبره ومجتهدة يعطونك راتب - داجه وكسولة يمكن استغناء بفترة التجربة
ودايم اقولها ابدي براتب بسيط واكسبي خبره انا بديت براتب 3000 ست شهور وخذت خبره وقدمت استقاله وانتقلت لراتب احسن وهكذا

طيب وين المشكلة إذا قدمت بالثانوي ؟
قدم وإضمن الوظيفة وإن لقيت وظيفة بالبكالوريوس إسحب عليهم .
هذا أمر طبيعي
أنا قدمت بالمتوسطة بعد مو بس بالثانوي ..
الوظائف هذه هي بوابة الوظائف الكبيرة والمرضية للطموح

أما تخصصك فهو مطلوب جدا
في الافتاء والهيئة والدعوه والإرشاد
خذ ملفك ورح لهم لعل وعسى ..

بالتوفيق

حاول ما تطلب راتب عالي وبين لهم انك تقبل بأي مبلغ

انا سويتها وتوظفت بشهادة ثانوي وانا معي بكالورويوس هندسة

الله يوفقك

-



الله يوفقك ويكتب لك الخير
ولد جارنا عنده بكالوريوس هندسه مدنيه وتوظف بالثانويه
لكن فعلاً الشركات الي محتاجين موظفين بمؤهل الثانويه او الكفاءه ما يقبلون الي شهاداتهم عاليه " ما ادري وش السبب "
انا عندي دبلوم صيدلة واذا قدمت على وظائف بالثانويه خصوصاً بشهادتي مايتم قبولي بسببها ..