قسم بالله مدري وش اقول كبدي مندبله من القهر والضيقه انا قبل اسبوعين تقريبا قلت لكم انه كلمني واحد من الضمان وقالي انتي مرسله لصوتك مسموع الزبده ماكثر حكي معي قال ان شاء الله بيجيك باحث وراح نرفع اوراقك المهم انا حسيت ان السالفه مطوله راسلت الوكيل اكثر من مره واليوم الصباح رسلت ودقت علي قبل شوي وحده من الضمان كلمةة وقحه قليله عليها سالتي انتي مرسله ايميل قلت ايوه وسبق وكلمني باحث من الضمان وقال بنرفع اوراقك قالت وهي تنافخ طيب ليه راسلتي الوكيل ؟؟ طالما كلمك الباحث ليه تراسلينه قلت والله لاني شفت ان المقطوعه صارت تنزل لناس وناس لا بشكل عشواءي واحنا مقدمين من شهور وارسلنا شكاوي وايميلات بالهبل قالت ايه بس انتي مو مريضه ولاعيالك مريضين قلت يعني بتقنعيني ان كل اللي نزلت لهم مرضى ؟؟ ترى مو شرط انوو يكون فينا مرض عشان نكون محتاجين كل انسان وله اسبابه وظروفه قالت طيب قولي وش ظروفك بنفس خايسه قلت اعتقد سبق وشرحتها للوكيل وللباحث مايحتاج اعيد قالت ابوك اللي كنتي ساكنه عنده كم حاطلك غرفه وكم عدد خوانك اللي يعولهم ابوك وكم تقاعد ابوك وكم غرفه فبيتكم قلت انا حاليا بالرياض لاسباب خاصه وعلي التزامات اجار قالت طيب مو قلتي بترجعين لابوك ؟؟قسم بالله شوي بس وكنت بسكر بوجها والله حسستني ان الفلوس تطلع من جيبها والله العظيم احس اني مغبونه وحاسه بالذل وفيني قهر من كلامها

أن شاء الله تتيسر لك وترين يخافون من كثر الشكاوي لا تلوميها على أسلوبها لانهم أكثر
شيء يحبون عمله يخدمون معارفهم وكذلك اللي جاي من طرف فلان الحقيقه ودي كل موظفين
الدوله لايبقى في مقر عمله أكثر من سنه ويتم التغيير وخصوصاً وزرة الصحه والتنميه الاجتماعية

الصبر الصبر

غريبه المفروض تحول المعامله الى المكتب اللي بمنطقتك ويرسلون لك باحث وبعدها يقررون يصرف او تتأخر موظفه غريبه صراحه

غلطه الشاطر محسوبه هههههههههههههه لو مكانك نزلتي بيت ابوك الين يخلص الموضوع معروف هم يرسلون باحث للبيت

بس انصحك بعد شهر راسليهم وخلك بيت أبوك وباذن الله راح تنزل لك

ابوي فمنطقه وانا فمنطقه وموضحه لهم هالشي بالايميل ولما كلمني الموظف قال راح نجيك البيت قلتله انا بالرياض قال اجل راح ننقل ملفك الضماني للرياض طالما انتي هناك وبكذا السالفه مطوله قلت مابي انقله لان وضعي مؤقت بالرياض وبعدها راحوو بيت ابوي يعني ماعتقد هذا السبب لان الموظفه داقه مدرعمه وماعندها خبر بشي انا ارسلت الايميل للوكيل الساعه 7 ونص وهي دقت 9

انا ماقهرني فالسالفه كلها الا لما قالت لي انتي مومريضه ولاعيالك مريضين وهي مانزلت الا للي عندهم مرض صحي وجابو تقارير طبيه حسستني ان كل اللي نزلتهم المقطوعه مرضى ومرقدين فالمستشفى