لماذا أصبحت الوظيفة حلم لنا حتى في شركات ..؟ ولماذا الخدمة المدنية خففت فترة دخول المفاضلات بدل من فترتين خلال السنة ..؟ ولماذا لا يتم ربط الخدمة المدنية بالشركات الحكومية والجامعات وتوظيف العاطلين ..؟ ولماذا بعض الشركات او الأغلب لا تقبل حاصلي على الشهادات الجامعية بكالوريوس وماجستير ودكتوراه ..؟ وإلى متى نصبر علشان نتعين والمفاضلات بالنقاط وخريج 1437 أصبح أفضل من خريج 1430 ..؟ لماذا تستمر الجامعات بقبول الطلاب ودراستهم مع أن مصيرهم العطالة ومضيعة الوقت ..؟ العلم موجود في كل مكان من دون دراسة ومرور تجارب وخبرات .. باختصار أنا شخص 7 سنوات انتظر التعيين ولم اتعين وحتى أنني لا استطيع جمع المال لفتح مشروع وبحاجة إلى وظيفة وعلى قد حالي وحاليا على الشوارع ابيع الحبحب وشكرا

الله يكون بالعون أخوي ....
اذا لقيت لك واسطة لا تنسانا حتى أنا أبي ,,,,,
خريجه ماستر لي سنتين عاطلةة ......
الله يغننا بحلالك عن حرامك ...

قدم ع وظايف عسكريه

الله يوفقك ويرزقك من حيث لا تحتسب

الواسطه حراااااااااااااام.. ماخرب الدنيا الا اشكالك... على قد تعبك ودراستك ...ليه تأخذ وظيفه غيرك مستحقها اكثر منك.. ويمكن ظروفهم اللعن منك وماعندهم واسطه. تتحجج بالظروف وانك محتاج.. في اللي مو لاقي يبيع حبحب بالشارع .. مهما شكيت وسويت هذا مايحلل لك الواسطه لانك تعتدي على حق غيرك. كل واحد يمشي ويقول انا محتاج وظروفي صعبه و نفسيتي تعبت وغيري يمشي بالواسطات ويحللها وخربت الدنيا .

اخي وصديقي ليش كل هالحزن ثق بالله عز وجل وفي قولة سبحانه وتعالى : (ان مع العسر يسرا) وقول الرسول عليه افضل الصلاة والتسليم : (تفائلوا بالخير تجدوه) .. من اسباب التوفيق بكل شي وظيفة ، زواج ، حياه كريمة : هي (علاقة بالله . الصلاة) (الاستغفار) التفاؤل) .

عندي اقتراح لكم جميعاً وأسئل الله لكم ولي التوفيق ..


اذهب الى الدوائر الحكومية (شؤون الموظفين) وقدم عليكم على بند الاجور لان والله سمعت من شخص اثق فيه والثقة بالله سبحانه وتعالي انه فيه ترسيم لبند الاجور عما قريب وبكذا بشهادتك الجامعية تحصل على المرتبة السادسة والثانوي المرتبة الرابعة .


انت قدم ولا تستهين بوظيفة بند اجور فأنت تحصل على راتب فوق الثلاثة الالاف وتتعرف وتختلط بمجتمعك الوظيفي وتزين امورك .

الله يعين يارب الحياة صعبه فكل مكان موبس بسعودية ,,لكن ليش ننقهر لحاجة وحده ان الاجنبي موظف على وظيفة احق ابن البلد انو يشغلها مع اني مالوم برضوا الاجنبي المسلم لي بيدور على لقمة عيشة هنا وبلده منكوب ,, لكن هكذا الحياة ماتمشي بالعواطف ,,ليش ماتقدم على العسكرية وتريح راسك

يااخوان لاتيأسو من رحمه الله ونصيحه لاأحد يحط امله في الخدمه المدنيه الزمو الاستغفار والله انه فيه فرج عظيم والصلاه على نبينا محمد صلى الله عليه وسلم فنصيحه محب لاتعتمدو على الخدعه المدنيه عليكم بالشركات الرواتب افضل وخلك بالقطاع الخاص الين ماتحصل حكومي ولا البنود التشغيل الذاتي وغيرها والله يوفقنا لما يحبه ويرضاه

استغفرالله

الله يكون بعونك والجميع ..
وخلك ع ثقة كبيرة بالله عزوجل ونفسك بعد ذلك ,,
وترىتقدر تتوظف في الوقت الحالي في أبسط الوظايف بأفضل الرواتب مثل المطاعم الوجبات السريعية ذات الماركة التجارية العالمية ..
وكذلك بعض الشركات والمكتبات ..
علماً أن الراتب لا يقل عن 4500 وحتى 7000 ريال
وهذا راتب لا يحصل عليه خريج بكالوريوس راحت سنين عمره بين قاعات الجامعات : (