السلام عليكم \ حبيت افيد الجميع بما املك من معلومه مؤكده ان المسقط بسبب السفر اكثر من 90 يوم ادا احضر تقرير طبي مصدق من السفاره السعوديه بالدوله اللي مسافر لها ترجع حالته قائم بعد تقريبا 10 ايام وينزل معاشه باثر رجعي يعني مايروح شي له مثلا جلس 3 شهور مسقط بحالة رجوعه للضمان ينزله 3 معاشات مع بعض \ طبعا هالشي يشمل اللي مسقط بسبب السفر فقط اما االلي مسقط للسبب ثاني يرجع بس بدون اثر رجعي

وعليكم السلام ورحمة الله وبركاته
الله يجزاك خير على افادتنا
لاحرمك الله الاجر

الله لايحرم الجميع الاجر ان شالله والله يرزقنا وياكم من فضله

مشكور على المعلومه وأن شاء الله في ميزان حسناتك

كيف يكون تقرير مصدق من السفاره السعوديه ؟

والله مدري ليه يعقدون العالم طالما السفر ماهوو من فلوسهم ولا من جيوبهم وش دخلهم فيه يعني مثلا لو تجي وحده مطلقه وتستلم ضمان واهلها يسافرون مرتين للخارج لسبب ما سواء سياحه او عندهم عيال يدرسون برا هل تجلس فالبيت هي وعيالها وماتروح مع اهلها عشان مايسقطها الضمان ؟؟؟وش هالتخلف اذا الشخص بيروح محفول مكفول سواء مرض او غيره مالهم حق يسقطونه او يطالبونه باوراق يعني كلها الف ريال اللي تنصرف له ماعتقد انه جالس يجمعها طول السنه عشان يسافر فيها قبل مده قريت رد لواحد يشتغل بالعثيم يقول صراحه بعض اللي فالضمان ماله داعي يعطونهم بطاقة العثيم لانهم يجون يشترون فيها حلاو وبطاطس وكاكاو مايشترون الشي اللي يحتاجونه ؟؟ يعني ليه اللي فاللضمان مو اوادم مالهم حق يدلعون عيالهم ويفرحونهم بهالاشياء ؟؟ ادري طلعت برا الموضوع لكن والله منغثه من اسلوب الضمان المجحف في حق المستفيدين

انا الوالد نفس الحاله بس جواز السفر له اكثر من 15 سنه منتهي المهم راح الضمان عطوه خطاب طلب افاده من الجوازات وداه الجوازات وماقصرو ارسلو الطلب عبر الفاكس وجاء الرد انه الجواز خلاص منتهي ورجع لضمان عطاهم الافاده وبعد يومين صارت الحاله قائم ولكن لم ينزل المعاش واليوم لم تنزل المعيشه للاسف

ما العمل؟؟

اول شي ياجماعه ماقدر اسجل دخولي للمنتدى عن طرق الجوال مدري شلون الطريقه مولاقي تسجيل الدخول \\ بالنسبه للتقرير امره سهل مومعقد طبعا يكون من مستشفى حكومي من احد مستشفيات الدوله اللي انت مسافر لها يكتب لك تقرير مفصل عن الحاله سواء منوم او مراجعات يكون فيها تاريخ المراجعات او التنويم من الى تاخد التقرير ويكون مصدق يعني مختوم من خارجية الدوله اللي تراجع فيها يصدقونه لك وانت واقف بعدين تروح للسفارة السعوديه تعطيهم التقرير يختمونه وتقول لهم بوديه للضمان راح يعطونك كتاب غير التقرير موجه للضمان انك كنت تراجع او منوم تاخده وتعطيه مكتب الضمان اللي انت تابع له يرفعون اوراقك للوزاره بعد تقريبا 10 ترجع حالتك لقائم " وسلامتكم

جزاك الله خيرا كفيت وفيت