السلام عليكم ورحمة الله وبركاته

أخواني ارجو مساعدتي في موضوعي ، انا موظف قطاع خاص في أحد شركات الأدوية المعروفه
حاصل على دبلوم حاسب آلي من الكلية التقنية وعمري الآن 29 سنة ، طبعاً توظفت في الشركة بتاريخ 21/5/2014
وانا الآن في الشركة سنتين بالضبط ، في أول يوم المقابلة للوظيفة قدمت شهادة الدبلوم والسيرة الذاتيه وشهادات الخبرات
العملية السابقه ، المهم قالولي وظيفتك بتكون محلل مبيعات ومهامها الوظيفية كالتالي :- طباعة فواتير شركات ( وعددها تقريباً أكثر من 30 شركة ، والشركة الواحدة فيها ما لايقل عن 15 صنف ) ، ارجاع فواتير ، طباعة كشوف حساب للعملاء ، ارسال تقرير كل بداية شهر بمرتجعات الفواتير لعدة شركات معينة ، جرد المستودعات كل بداية سنة ميلادية ، اخراج الاصناف المنتهية الصلاحية من النظام ، عمل تحويل أصناف بين فروع الممكلة حسب احتياج الفرع ، هذا وغير استلام الفواتير من المستودع بعد تسليمها للعميل ووضعها في ملف مسريله بالترتيب حسب رقمها ، وووالخ


يشهد الله يا اخوان اني مكروف كرف مايعلم فيه الا الله ، أي أحد يطلب مني شيئ في العمل عمري ماقلت لا ، ولله الحمد سمعتي حلوة بين زملائي في العمل ، ومعروف اني اكثر شخص اشتغل على مستوى الفرع ، وهذا غير اخر يوم من كل شهر ميلادي ، اني اجلس الا 10 بالليل ، عشان يحققون التارقت المطلوب من قسم البيع .


لكن للأسف مالقيت كلمة شكر او كلمة طيبه من مشرف القسم او مدير القسم اللي انا اعمل فيه ، الا مالقيت الا ظلم وعدم تقدير .


طبعآ يا اخوان انا في يوم اول يوم للوظيفة قالولي راتبك بكون كالتالي :-

راتبك الأساسي :- 3000
بدل السكن :- 1250
بدل نقل :- 650

لكن ما تخيلت بكون عملي بهذي الصورة ، يشهد الله يا اخوان في موظفين عندنا بالشركة ماعندهم عمل جالسين فقط ورواتبهم اعلى من راتبي ، والله مو حسد ولا شيء هذا رزقه ومكتوب له ، لكن ايش ذنبي اني اشتغل بذمة وضمير واعمل فوق طاقتي وراتبي كذا ، ، و البونص السنوي تقريباً ياخذون على 3 رواتب و 5 رواتب ، وانا السنه هذي والله والله اقل واحد على مستوى الفرع .


كتمتها في قلبي وماقدرت اتحمل يا اخوان ، قلت طيب انا في ايش قصرت عشان يسون معي كذا ، لدرجة فكرت اقدم استقاله ، لكن زملائي قالولي احتسبها عن الله ، والله صرت في كل صلاة ادعي على الشركة من القهر اللي في قلبي

المهم بعد مانزل البونص ، دقيت على رئيس القسم في الفرع الرئيسي بمدينة جدة ، وهذي اول مكالمة من يوم توظفت في الشركة ، سلمت عليه وشرحتله الوضع قلتله انا وضعي كذا وكذا ونزل البونص السنوي أقل من زملائي ، وأنا انسان ابي اتزوج وراتبي مايوفي معي ، قال انا برجع المكتب وراح اتصل عليك ، وسحب علي .


واللي ابغاه يارجال كيف اطلب زيادة منهم ، لأن مردود الراتب على الشغل اللي اشتغله ظلم والله
وانا ابي اتزوج وعليه قرض سيارة ، وما ادري كيف اكلم مدير القسم عشان يسويلي زيادة في الراتب ،
هل ارسله ايميل او اتصل عليه مره ثانيه .

ارجو افادتي الله يسعدكم دنيا واخره