حسبنا الله ونعم الوكيل
حتى الردعلى تويتر مو راضين
تجاااااااهل وصمت

تو جايه من مكتب الضمان اللي بمنطقتي ياكثر كبار السن والناس يسألون والرد واحد ان شاء الله بتنزل بحساباتكم ولا حددو يوم ولا وقت يعني انتظرو فقط ...ماقول الا الله يرزقنا من واسع فضله من غير منه احد

حتى انا
الساعه الحين قريب من 11 صباحا

يمكن الشهر الجاي ينزلونها لنا ان شاء الله
رمضان اهم شي وحتى الشهر هذا مااستغني عنها
لكن وش الحل اقسم بالله لو بكينا بكا ودموعنا وصلت لبيت الوزير مايدرون عنا
😪😪
لو كل من يبكي يحصل مرامه كان اجتمعنا له جميع وبكينا
...

لو تحل المشاكل عقب حب الخشوم كان حبيت خشم المشكله واستحت
مير بعض المشاكل لو تجيب النجوم مارضت بك وزادت بالعند واطمعت


‎لو كل من يبكي يحصل مراده = والله لتلقا كل الاجناس يبكون
‎مير البكا للي عليه القراده = الله يعين اللي من الوقت مغبون
‎أحدن همومه بالحياه السعاده= وأحدن همومه بالعمر كثرت ديون _
‎وأحدن ينام وحط دونه وساده= وأحدن شكا ليله على خالق الكون _
‎وأحدن شكا هجر الوليف وبعاده = وأحدن حفظ حبه عن اللي يعذلون _
‎واحدن سهر ليله صلاه وعباده = واحدن سهر مابين خمرا ومزيون _
‎دنيا بها العالم بياض وسواده = فيها عجايب تجعل الرجل مجنون _
‎الحر لامنه بغا شي صاده = والناس لامنهم بغو شي يسعون _
‎لاصار مالك في حياتك شهاده = منته مع
‎العالم معزز ومصيون _

‎شفنا بدنيانا دروع وسناده = وشفنا بدنيانا ربوعن يصدون __
‎من تجربة عشرين سنه وزياده = شفت العجب والهم والشوق والهون _
‎أعكس دروب الغير تلقا أفاده = تعرف تفرق بين الأشكال واللون
‎أحيان ودك في زمانك إعاده =وأحيان ترضا بالقدر وانت محزون _
‎أتولع الجمره وتصبح رماد= والناس لو تعيش لازم يموتون _
‎يكفيك من هرجي وقافي وكاده = بيتن من الهاجس مقفا وموزون
‎الحر لامنه بغا شي صاده = والناس لامنهم بغو شي يسعون


‎مما راق لي منقول

انا أتصلت على الضمان ورد على الموظف وسالته عن السلة الغذائية وسبب تاخيرها
سالني الموظف على اي حساب قلت له الرياض قال لي تنزل خلال ألأيام القادمة

صدقوني. والله اعلم يضاربون بفلوسنا يالمحتاجين وياخذون الارباح ولا ليش تاخر ..عينهم ع الضعوف الفساد منتشر

اخوان احد نزلت له السله الغذايه

بطاقتي خضرا ماجتني شي

طيب لحد اﻵن ماجاني شي
بطاقتي خضرا وتم التحديث وﻻجاتني رسالة قدمت في 24 عن طريق التأهيل الشامل
والمعونة الغذائية ماجاتني
ممكن تساعدوني جزاكم الله خير