السلام عليكم

عندي مبلغ وحابه استثمره
مره فكرت في مركز ضيافة اطفال لكن حسيت انه مافيه ربح خصوصاً المراكز منتشره بشكل كبير في منطقتنا ..وايضا يحتاج مبلغ كبير جدا ويحتاج وسائل مواصلات للأطفال .. وكذلك يتطلب موظفات بشكل كبير .. من هذه الناحيه وامام هذه الصعوبات .. فكرت احول شقتي المتواضعه الى حضانه استقبل فيها اعمار محدده مثلا من 3 سنوات الى 6 .. يعني من غير تصريح ولا شيء .. فقط استثمر شقتي بحدود استطاعتي .. فما ادري هذي الفكره مربحه وهل تعتبر من المخالفات ؟ او تعتبر من ضمن الاستثمار المنزلي ولا يوجد عليها مخالفه او عقوبه ؟

الشيء الأخر اللي دايما افكر فيه هو نادي نسائي :

قبل فتره رحت لكذا نادي نسائي وكلها كانت تابعه لمستوصف صحي .. العجيب انها تحت مسمى قسم العلاج الطبيعي .. لكن من الداخل تفتقر لأبسط مقومات اللياقه .. فقط عباره عن صاله واجهزه رياضيه قليله ومتهالكه وغير متكامله .. ومكان ضيق جدا ..

من هنا فكرت افتح نادي نسائي .. لكن سمعت ان الأنديه النسائيه لازم تكون تابعه لمستوصف صحي .. فما اعرف مدى صحة المعلومه .. مع انه في نادي اسمه لين الصحي في مركز الاميره جواهر لمشاعل الخير غير تابع لمستوصف ... واعرف كذا مشغل نسائي يحتوي على صالات رياضه للنساء ..

الأن انا ابغى اعرف هل بالإمكان استخراج ترخيص نادي صحي للنساء .. يكون عباره عن : صالة ايروبيك وزومبا .. واجهزه رياضيه متنوعه مابين الكارديو واجهزة المقاومه ..ومسبح وحمامات بخار وساونا .. او هذا الأمر يعتبر مستحيل ؟ !

وفكرت كثير اني افتح مركز نسائي متنوع مثلا مشغل تجميل وخياطه ..يعني كل هالحوسه من اجل النادي الرياضي .. لان فعلا اغلب مناطق المملكه تفتقر للأنديه النسائيه بالرغم من اهميتها من الناحيه الصحيه واللياقيه ومن الناحيه الترفيهية ..

فما رأيكم .. هل بالإمكان فتح نادي نسائي ؟ وماهي الشروط ؟وماهي الجهه التي تصدر التراخيص ..؟

ايضا .. هل بالإمكان فتح النادي تحت مسمى مشغل .. ؟ او يعتبر من المخالفات .. وماهي العقوبات المترتبه على المخالفه اذا كان ممنوع ؟

اتمنى اي احد عنده خلفيه عن الموضوع يفيدني ..لأن جد تعبت وانا ابحث عن مصدر دخل غير الظمان الإجتماعي ..



اعتذر على الإطاله .. شكرا مقدما

اهلا اختي
الى الان لا يوجد ترخيص مستقل يجب ان يكون تابع لمستوصف او مستشفى او مركز علاج طبيعي اما اللى في المشاغل اغلبها مخالفة
واعلنوا قبل فترة انه بيسمحون بتراخيص والى الان كملت سنتين لا حس ولا خبر واذا تم السماح اول واحد بياكل السوق وقت اللياقة
اتمنى لك التوفيق

اول نقطه ان المشروع رح يكلفك مابين 500 الى 700 الف اذا تجاوزتي النقطه هذي الباقي سهالات
لانه قريب من مشروع مساج الشباب وانا سبق ان سويت له دراسه اكثر من 7 شهور ولكن وقفتني الماده
والتصاريح موجوده ولكن عليها شروط صعبه تحصلين معقبين شطار يجيبوها لك ولكن لازم ترخين الريال على قولتهم
والمشروع مربح جداً جداً احتمال يوميتك من غير الاشتراكات 10 الاف ريال هذا مو من راسي دراسات جدوى قريبه جدا

شكرا لكم اخواني ..

للمعلوميه امس كلمت وحده عندها نادي رياضي واستفسرت منها .. قالت لي غير صحيح .. وذكرت ان المطلوب فقط مركز نسائي عباره عن تجميل وخياطه ولياقه .. مو شرط انه لازم يكون من ضمن مستوصف او علاج طبيعي .. لكن قالت اهم شي يكون عندك شهادة بالإختصاص اللي حابه تفتحينه.. وقالت المركز لازم يكون متنوع يقدم مجموعة خدمات مثلا التجميل والخياطه واللياقه .. وبستفسر منها اكثر ان شاء الله ... واللي عندها معلومات تنزلها هنا ..