السلام عليكم ..

شباب والله انا محتار لي اسبوعين ماني عارف واش اختار تخصص و انا ودي اخش

كلية الملك فهد الامنية او كلية الملك خالد السعكرية او اي كلية عسكري


او اي قطاع عسكري يعني ميولي عسكرررية

ماني عارف ايش التخصص المناسب لي ميولي

في تخصص اسمة الخدمة الاجتماعية مداري اذا كان مرغوب او لا ؟!


اتمنى ان تفيدوني !


والله يعطيكم العافية ..

مرغوب بس الاعداد قليله

عندك ( قانون - علوم سياسية ) يقبلون منها اعداد

بس يبغالها معدل عالي وتثبت جدارتك في التخصص

بالإضافة لتخصصات الشريعة والدعوة يقولون نسبة القبول فيها مضمونة وسنويًا تنزل كرغبات.

وعليكم السلام

تخصص حساب آلي يمشي معك في القطاع العسكري وغيره ومطلوب جدا ، والافضل كليه الملك فهد الامنيه لانهم اعلى بالرواتب وبدلات اعلى ، ومشكلتها التتعين بعد التخرج ، أذا انت مستعد لنقل خارج منطقتك جازان - تبوك - نجران - او اي منطقة فتوكل على الله وموفق .

نصيحة اخ
ادخل التخصص الي تحبه وتحس انك تبدع فيه ولك ميول علية
لان احتياج العسكريه يتغيرة من دورة الى دورة ممكن هذي الدورة يطلبون شريعة كثير وممكن الدورة القادمة مايحتاجون
بالعربي حسب احتياج القطاعات للتخصص راح يعينون
وكذالك الحال ينطبق على الخدمة المدنية على حسب احتياج اي وزارة واي دائرة حكومية

اخر شي لا تحط ببالك وتجزم انك راح تتعين بهذي الوظيفة
لان اذا ماتعينت راح يجي لك احباط وطاقه سلبيه اتجاه نفسك
وحط ببالك ان الوظائف مسألة ارزاق ومقادير وضعها ربي على كل شخص وكل شي له نصيب
ماتدري يمكن يجيك وظيفة ومنصب اقوى من كل قطاعات العسكرية

والله يوفقنا ويوفقك وتحقق الي تطمح له

غلطان اللي يختار تخصصه من واقع رغبته في المجال العسكري فقط لعدة أمور
الأول: أنك تحصر نفسك ومستقبلك في اتجاه واحد .. وممكن م يكتبه الله لك.
الثاني: أن الاحتياج للتخصص مختلف من كلية لأخرى .. ومن عام لعام.

أما النصيحة .. اختر تخصصك بعناية وذلك بالنظر إلى احتياج سوق العمل بعد 5 سنوات .. بالتزامن مع رؤية المملكة 2030 وتوجه المملكة

ستجد بتقديري الشخصي-اللي قد يحتمل الصح أو الخطأ تخصص القانون والمحاسبة والبزنس .. والتخصصات العلمية الدقيقة في طليعة التخصصات المرغوبة ..
أما الخدمة الاجتماعية والعلوم الاجتماعية والتخصصات الأدبية التقليدية تجد أن الزمن أكل عليها وشرب!
ومجالهم لا يتجاوز بعض المهن كالعمل في دور ومراكز وزارة الشؤون الاجتماعية (التنمية حالياً) .. أو التدريس للتخصصات الأدبية.

والله يوفقك ومن يقرأ ..

الاخوة ماقصروا الله يجزاهم خير !

وأنا من عندي أقولك أبعد عن كلية اللغه العربيه لان مالها مستقبل غير الضياع وهذا الكلام من تجربه وأعاني من الضياع للحين حتى الشركات مايبغون شهادة اللغه العربيه مفي الا حارس أمن وموظف استقبال الواحد يقدر يقدم عليها بشهادة ابتدائي !

وأي واحد يشوف تعليقي ابغاه ينصح الي يعرفهم انهم يبعدون عن هذا التخصص الفاشل...

طيب يا شباب تخصص دراسات اسلامية ؟! مرغوب ؟؟؟؟؟




ياويل حالي