سلام عليكم انا من خريج هذا السنه حنا يا اهل الحد الجنوبي تخرجنا والله الحمد قبل اسبوعين و عطوني ملف ثالث ثانوي وسجلت وسمعت من الشباب هذي الايام انهم ارسلو لهم قبول مبدئي طيب انا ما ارسلو لي والموقع ما طلع النتايج وقالي واحد من الشباب اللي في الدوره هذي السنه كان القبول المبدئي دفعات بس مدري هو صدق تكفون ابي العلم الاكيد هم بيرسلون لنا رساله مره ثانيه وخلاص اغسل يدي تكفون اللي عنده شي يعرفه لا يبخل علينا والله يوفقنا وياكم ان شاء الله

ياصبي يام اصبر الرسايل تجي دفعات ما تجي دفعه وحده لاتستعجل انتظر هذا الاسبوع والاسبوع الجاي ومتأكد بتجيك رساله ان شاء الله وتنقبل وبالتوفيق

مدري بس اتوقع دفعات

مثلا يرسلون ل 1000 تقدر تقول نصهم يرجعونهم اما طول او وزن

ويرسلون لدفعه ثانيه على هالحال

اتوقع كذا والله اعلم

تكفى يا هتلر اليامي
اذا ظروفك تساعدك كمل دبلوم تقنية ولا ادخل جامعة
والله العظيم الجندي اكثر شخص مكروف بالعسكرية
نصيحة ادرس دبلوم وخذلك وكيل رقيب في اي قطاع ولا يمكن بعد تخرجك من الكلية يفتح وكيل رقيب الامن العام
والافضل تكمل جامعة
نصيحة اخوية لاتضيع شبابك في العسكرية من بدايتها
معانا ناس جنود ندمانين ماكملو تقنية ع الاقل
وترا بسيطة التقنية بس حضوور وامورك تمشي

انصحك نصيحت اخ لأخيه اذا انت تبي العسكريه .. كمل دبلوم تقنية او جامعه ، واذا تقول ماني حق دراسه خذ لك دبلوم سنه او ست اشهر حاسب في معهد اهلي معتمد طبعن من الموسسه العامه للتدريب والتقني
"على الاقل تاخذ تخصص افضل من الكد وتاخذ رتبه جندي اول او عريف " الله يوفقك اخوي

انصحك نصيحت اخ لأخيه اذا انت تبي العسكريه .. كمل دبلوم تقنية او جامعه

الله يبيض وجهيكم جميع ونصيحتكم على العين والراس وابشركم معي دبلوم حاسب الي 6 اشهر وانا اكبر عيال ابي والوالد متقاعد وراتبه مايكفي وقلت ابي ادخل على شان اساعده في امور الحياه والله يوفقكم جميع تقبلو تحياتي،،،،،،،،،،،

فيه تقديم في القوات المسلحة يفتح اليوم الاحد قدم عليهم و الله يوفقك