السلام عليكم ورحمه الله وبركاته

المنتصر بالله ربي يسعدك ف الدارين هل لمشكلتي ادناه حل ..؟؟:

انا زوجه مواطن مهجورة وان شاء الله ف طريقي للخلاص منه

ما اطول عليكم
لله الحمد قدرت اقدم على ضمان لولدي وصار ينزل له 1000 كل شهر الحين صار له شهرين

المهم حبيت اقدم له ع المقطوعة عشان استفيد منها ايجار لشقة صغيره اسكنها انا وولدي وشقيقي لأن منزل اهلي شعبي متهالك مايصلح حتى للبساس الله المستعان ..

المهم رحت للضمان قالولي المقطوعة ماتنزل الا ع رقم ايبان ..
وولدي طفل عمره 5 سنوات قلت لهم كيف افتح له قالولي الرياض او الانماء
رحت للرياض قال لي المدير هاتي صك اعاله او صك وصايه او حضانه شيء يثبت اني معيلته الشرعيه
وضحت له اني لم اتطلق بعد ولازلت ع ذمته وموضوع قضية الطلاق بياخرني عن التقديم !
المهم قلت له اوك احاول اطلع صك اعاله
رحت للمحكمه قالولي هاتي خطاب من الضمان
رجعت للضمان قالولي مانعطي خطابات للافراد بحكم ان طفلي لحاله بالضمان انا مو معاه لاني اردنيه !
رجعت للمحكمه قلت لهم ولدي فرد مايمديهم يعطوني خطاب
مانفع موظف الاستقبال تنح اترجيته يساعدني قال هذه الاوامر
طلعت لرئيس المحكمه بنفسه قال لي ممنوع اعطيك اي صك اعاله الا لو جبتي خطاب

وطارت احلامي بشقه صغيره نظيفه تلمني انا وولدي من البهدله !!
هل يمشي الحال لو طلبت خطاب من بنك الرياض او الانماء لانهم يفتحوا حسابات للاطفال ؟؟؟

واذا ماينفع اش الحل يقولولي ذول صك الاعالة يمنح للارمله بدون خطاب ؟؟؟

اخاف ينقطع ضمان ولدي لأن البطاقه البرتقاليه يقولو بتنلغي باي وقت وبيعتمدون فقط ع الايبانات !!!
فيه طريقه اطلع فيها حساب لولدي بدون صك الاعاله ذا !!!

وعليكم السلام
المشكله ان البنوك حتى صك الاعاله مايمشي عندهم لازم صك ولايه لكن فيه طريقه قدمي استدعاء على مدير الضمان وليس كلام شفهي مع موظف او موظفه واكتبي الموضوع كله واطلبي خطاب للمحكمه وبأذن الله انهم يزودوك بالمطلوب
لأنه هذه اكبر مشكله لم تجد الحل من المسئولين الاوهي فتح حساب لمن اعمارهم تقل عن 18

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

الله يفرج همك يارب ويسخرلك من يتولى امرك

الله يسر امرك اختي ضايقه باحيل

السلام عليكم ..
والي ماعنده الا صك اعاله....وش يسوي..؟؟؟؟
وابي افتح لبنتي عمرها 8 سنوات معقوله لازم صك ولايه !!!!

لا حول ولا قوه الا بالله
كان الله بعونك وفرج همك

والله رحت بنك الاهلي وردوني لان معي صك اعاله يقولوا لازم صك ولايه

الله يفرجها على الجميع معناءة والله
أستغفرالله بالله صك اعالة ماتكفي أتوقع شيء مستقصدينه لازم ولاية لان يعرفوا اننا مانقدر نطلع هذا الصك بسهولة حسبي الله ونعم الوكيل على اللي يصعب الامور للحريم صك الاعالة بالعافية خرجناه ودحين يبغونا نطلع صك ولاية؟!!

طيب لو ما مشتها البنك ينفع اجيب خطاب من التأهيل الشامل...؟