السلام عليكم
لكم قصتي
انا مدربة في معهد خاص التحقت بالمعهد ١٥ شوال ١٤٣٥ كان راتبي ١٠٠٠ ريال دوام ٤ونصف في الفترة الصباحية ، كان المعهد وقتها على مالك غير المالك الحالي ؛ ما اخدت نسخة من عقدي القديم بدون اي توضيح من الادارة
تغيرت ملكية المعهد لشخص اخرى و تم توقيع عقد جديد بتاريخ ١٣ ربيع اول ١٤٣٦ و في نفس التاريخ تم تسجيلي في الموارد البشرية و اصبحت موظفة مدعومة من الموارد و كمان تم تسجيلي في التامينات الاجتماعية و
و تغير الراتب من ١٠٠٠ ريال الى ٣٠٠٠ خلال فترة التدريب و ٤٠٠٠ خلال فترة التوظيف و كمان زادت ساعات عملي لي ٩ ساعات في اليوم
كان يتم خصم من الراتب مقدار ٣٣٠ ريال في فترة التدريب كانت من تاريخ ٤ يناير ٢٠١٥ الى راتب شهر مارس ٢٠١٥
و في شهر ابريل بدات فترة التوظيف و صار مقدار الخصم ٤٤٠ لشهر ابريل و شهر مايو
و في شهر يونيو تغير الخصم من ٤٤٠ الى ٤٠٠ ريال
و بعد مرور فترة ٩ شهور قررت انى استعلم عن حسابي في التامينات الاجتماعية اون لاين ، تواصلت مع موقع التامينات الاجتماعية لتزويدي برقم الاشتراك عشان افعل اشتراكي في الموقع
فعلت الاشتراك و شوفت اشتراكي و كانت الصدمة
مالك المعهد سجلني في التامينات الاجتماعية تحت اسم محل كمبيوترات تحت ملكيتة و كمان سجلني دوام جزئي و راتبي ١٥٠٠
طبعا انا مااكتشفت انه استغل اسمي في محل غير المعهد الا بعد ٩ شهور تواصلت معاه و قلت ايش الاسباب قال ان انا مهنتي في الاحوال المدنية ربة منزل لازم غيرها لموظف اهلي بعدها راح يحول دوامي في التامينات من دوام جزئي الى دوام كلي
سالت ليش ماقلت لنا على هذه الشغلة من زمان قال انا بلغت المديرة بهذه النقطة قلت المديرة مابلغتنى و هو حلف انة بلغها و بعدها كلمت المديرة حلفت ان المالك ماقلها على هذة النقطة
طالبت منه بتغير الدوام من جدئي الى كلي و الراتب من ١٥٠٠ الى ٤٠٠٠ في التامينات قال راح اغير لك هو اذا عدلتي المهنة في الاحوال من ربة منزل الى موظف اهلي
بعدها تواصلت مع التامينات الاجتماعية و سالت هل المهنة المسجلة في الاحوال المدنية لها علاقة بالتسجيل في التامينات قال الموظف لا مالها علاقة ابدا
بعدها قررت ان مااغير مهنتي في الاحوال المدنية لان خفت ان انحرم من الترشيح لوظائف حكومية
و من بعد ما عرفت هذه الحكاية
تغيرت خصميات التامينات من ٤٠٠ الى ١٥٠ ريال
بدات من راتب شهر سبتمبر سنة ٢٠١٥
استمر الخصم بقيمة ١٥٠ ريال الى شهر ديسمبر ٢٠١٥
و بدء من راتب شهر يناير تغير قيمة الخصم من ١٥٠ الى ٣٠٠ للتامينات و خصم قيمة ١٠ ريال قيمة التحويل من البنك الراجحي المحول منه راتبي الى بنك الاهلي المحول اليه راتبي
و بعدين استعلمت عن اشتراكي في التامينات اون لاين حصلت ان غير راتبي من ١٥٠٠ الى ٣٠٠٠ و ماعندي علم اذا تغير الدوام من جزئي إلى كلي لان المديرة تغيرت و المديرة الجديدة مانعتنا من التواصل من المالك
تواصلت مع الموارد البشرية بخصوص مكافاة الاستقرار الوظيفي بحكم ان اكملت سنة في نفس المنشاة و سالت متى اقدر اطلب بصرفها فقالوا ان مالي مكافاة استقرار الوظيفي بسبب ان عقدي الوظيفي لمعهد و متسجلة في التامينات الاجتماعية باسم منشاة ثانية و طلبت الحل و قال ممكن نسوي لك استثناء ان المدير يجيب السجل التجاري للمعهد و للمحل و بعدها ممكن ينصرف مكافاة استقرار الوظيفي بلغت المديرة ما افادتني بأي شي ابدا و ما اقدر كمان اتواصل مع المالك بناء على تعليمات المديرة


ملاحظة هامة : خلال الفترة من يناير ٢٠١٥ الى مارس ٢٠١٥ كنت اداوم ٤ ساعات و نصف و كان اتفاق ودي بيني و بين الادارة ان استلم الراتب كامل مع خصم التامينات و بعد مااستلم الراتب ارجع نصف الراتب
و من شهر ابريل صرت استلم الراتب كامل مع خصم التامينات و تغير دوامي من ٤ ونصف إلى ٩ في اليوم


حاليا انا راح اتقدم بالاستقالة من المعهد على اخر هذا الشهر مانى عارفة كيف اطالبوا بحقوقي المادية و كمان تعويض عن استغلال اسمي في التامينات الاجتماعية و اخاف لما اتقدم بالاستقالة ان يطلب منى التنازل عن جميع حقوقي المادية او ان اوقع على ورقة ان ما اشتكي عليه في مكتب العمل ؛ ما الحل

نصيحة لكي لا تستقيلي غيبي عن العمل الين هم يفصلوكي حسب النظام

استقالة يعني راح تعويضهم

غياب يعني راح يفصلوكي و تفتكي من موضوع التعويض

او استقيلي و اعطيهم مهلة شهرين من تاريخ الاستقالة عشان تفتكي من التعويض

اول شي موضوع المهنه هاذي حجه بس عشان تسكتين عن حقك و الدليل كلام التامينات قال ما له علاقه... ليش تسمعين كلامه و تغيرين المهنه...

في التامينات علشان يتم الدعم من الموارد البشرية لازم تسجل 3000 ريال.. الشركة تدفع 1500 ريال و الموارد البشرية 1500 ريال و ينزل في حساب الشركة ويخصم 300 ريال للتامينات.. هنا ينصبون على الموارد البشرية..

اذا انتي ينزلك في الصرافة 2700 ريال.. اذا ما ينزلك هالمبلغ لازم تناقشينهم فيه.. و خاصة دعم الموارد البشرية.. لو يدري صندوق الموارد البشرية عن حركات النصب هاذي رح يلغي اتفاقية الدعم و يمكن يطالبهم بجميع المبالغ

انت اولاً : صوري شاشة التأمينات لتوضحي عملك في المحل + خذي نسخة من العقد مكتوب به مهنتك قدمي شكوى في الموارد البشرية وخذي رقمها رسمى وقبله اسألى لو انفصلت من العمل ممكن اندعم في منشأة اخرى مستقبلاً أو لا المالك يطلب المبلغ لا يستطيع شكوى صغيرة في المحكمة العامة تخليه يندم انه يطالبكم بمال ما يحق له لان الدعم الحكومي للموظف وليس لصاحب العمل الموضوع ليس كما تتصوري الحكومة هي من ستلاحقة فلا تخافي من هذه النقطة حتى لو موقعكم مثال ورقه لا يستطيع .
ثانياً : قدمي شكوى في التأمينات الاجتماعية وغيري المهنة في دقائق بالعقد وصورة الشاشة وعلى فكرة التأمينات احسن ناس في نصح صاحب العمل لفصل الموظف المشتكى وهنا لاتعويض عليك ولا شيء.
ثالثاً: موضوع المحل والمعهد هذي لو قدمتي على مكتب العمل انه متلاعب يغرموه ويغير المهنة وهو يضحك ان قلت لك من اول اشتكى وطنشيه لكن انت تساهلتي وضيعتي مكافأة الاستقرار بيدك . الشكوى في الموارد هي الوسيلة الوحيدة للوصول للمبلغ .
مكان زي كذا والله ما فيه إلا وجع الرأس تركه افضل استخيري في الخطوات السابقه إذا ارتحتى اقدمي ونحن معاك ان شاء الله.