السلام عليكم

عندي صديقه تسأل وش نوع النشاط في السجل التجاري لمحل يجمع بين
الكماليات و الادوات المدرسيه والهدايا .. الخ مثل محلات ابو ريالين

اتمنى افادتها و رزقكم الله ماتتمنون

مؤسسة كذا كذا للتجارة
بعدين تختار تجارة الجملة والتجزئة والاستيراد والتصدير
وبعدين تحدد كل الأنشطة اللي ممكن تشتغل فيها عند الافتتاح أو مستقبلاً ..

أنا عندي نفس السجل واخترت فوق الـ 15 نشاط
كماليات وخردوات وأدوات الطباعة والقرطاسية وألعاب الأطفال والأحبار والهدايا وتغليفها وكل شيء ممكن أستورده وأتاجر فيه بخصوص الكماليات

الله يجزاك خير
يعني مافي اي مخالفه اذا فتحت لها محل وباعت نشاطات متعدده مثل نظام ابوريالين كل شي يبيعونه
بس هي بشكل افخم شوي يعني اشياء مميزه ومستورده لكن متنوعه جدا مع وجود السجل التجاري الي ذكرته لي فوق ؟
ماعليها اي مخالفه من البلديه ؟

البلدية مالها علاقة بالسجل التجاري .. البلدية تعطي رخصة للمحل بشروط معينة بخصوص المساحة والموقع والديكور .. المحلات اللي تقدم مواد صحية أو مأكولات هي اللي لها علاقة بالبلدية من ناحية المخالفات والاشتراطات ..

أما محل كماليات ومنتجات مميزة وغريبة
البلدية مالها علاقة فيه الا في حالة بيع مواد عضوية زي حبوب التخسيس وما شابهها ..

تقريباً نفس فكرة صديقتك هي اللي أنا أفكر فيها
والعائق أمامي رأس المال خصوصاً بالايجار المقدم
أما الفكرة فدرستها وتعبت عليها وجربت الشغل فيها بالتوزيع بالجملة على المحلات ..

إذا صديقتك تبي تجيب بضاعة للمحل
فأنصحكم بسوق مرشد بدبي

اللي بجدة جملة بـ 12 ريال
بسوق مرشد بـ 6 ريال

وطبعاً الشحن ما راح يكلف لأن أغلب الضاعة بلاستيك فيكون وزنها خفيف

إذا تبين معلومات محددة مو عارفتها .. إسألي عنها
وإن شاء الله أجاوبك باللي أعرفه

السجل التجاري تكتبين فيه النشاط اللي تبغين واذا فيه محل لازم استخراج رخصة بلديه
والنشاط لمحل ابو ريالين يسمى خردوات

وتختار بعد الأواني المنزلية والأدوات واللوازم المنزلية والكرتون وورق الكمبيوتر والتصوير وغيره من اللي له علاقة بالمحل ..

( ويكون السجل باسم مؤسسة كذا كذا للتجارة .. لا تختار كلمة التجارية .. لأن التجارية يعني انها تعرض بضايع للغير زي الوكيل )

وتشترك بالغرفة التجارية بالتزامن مع السجل التجاري
السجل 200 ريال
اشتراك الغرفة 300 ريال الدرجة الرابعة

بعدين تصمم ختم مكتوب فيه:
مؤسسة كذا كذا للتجارة
ورقم السجل

بعدين تروح الغرفة التجارية وتاخذ نموذجين تعبيهم
واحد للتوقيع والثاني للختم
وتسلمهم النموذجين اليوم الثاني وبكذا يصير الختم مصدق من الغرفة التجارية ..

بعدها تطبع كم ورقة بالكمبيوتر وفيها شعار واسم المؤسسة ورقم السجل التجاري ..

بعد كذا تكتب تفويض مخلص جمركي + تحديث بيانات مستورد عشان تتسجل بيناتها بالحاسب الآلي للجمارك وتصير تجيها رسايل عند استلام البضاعة وفسحها والتكلفة ..

وإذا تبي مكتب شحن رخيص أنا أعطيك عنوانه بدبي
يشحنوا الكرتون بـ 100 ريال عن طريق TNT اللي هي من أحسن شركات الشحن في المناولة ونقل الكراتين ومدة الشحن اسبوع اذا كنتي بالشرقية ويوصلوا الشحنة للمحل ..

بتوفيق

الله يعطيكم العافيه
جميعاً
متجر مزايا بتواصل معك عالخاص

أهلا وسهلا فيك ..
وياليت لو التواصل يكون هنا ع العام عشان نفيد ونستفيد من المهتمين .. وإذا تحبي يكون بينا تعاون بخصوص السفر لدبي والاستيراد سواءاً باسم مؤسستي أو مؤسستكم إن شاء الله هاليومين أنا جاهز إلى نهاية شعبان ..

السلام عليكم ورحمة الله وبركاته

متجر مزايا هل هناك فرق بين اسعار الصين واسعار سوق مرشد تستحق الإستيراد من الصين

او هناك اي معوقات اخرى غير السعر

ارجوا الإفادة مشكورا