ما عاد للنوم في عيني مقام وقدر
لا والله إلاّ عدوٍ لي ولا هو رفيق


رفيقي اللي معي في كل ليل السهر
اللي لو إنّه يعاديني عيوني تضيق


يا عاشقٍ جرحي وما لك في غيابك عذر
ماني على خبرك استحمل اغيابك واطيق


كمْ لي ونا استحملك وآعيش عُمري صبر
ليتك بخفّاقي اللي فيه جرحك .. توِيق


آنا غريقٍ بحبك .. وانتْ حُبك بحر
وشلون تنقذ من البحر الغزير الغريق


العمر مرّه ونا عايشت جرحك عُمُر
حتى غدى الجرح من طعنك وهجرك عميق


لا تحسب إنّ الشعور إليا كِسَرته جَبَر
متى من احساسك البارد تقوم وتفيق


لكنّ وش رايك نقفل ادروب الهجر
وكلٍ عن الثاني يدور مسار وطريق


انتَ مجمـل ودربك في حياتك خضر
وآنا بيبقى مَعْي جرحك لحاله رفيق

مع انها مليئة بالأسى

إلا أنها جميلة

صح احساسك

شكرلك