فتحت محل بروست ولله الحمد احد عنده سؤال يتفضل

سر الصباح · #51 (**permalink**) 30-06-2016, 06:22 AM

جهد جميل الله يجزاك خير

لعل وعسى · #52 (**permalink**) 01-07-2016, 01:05 PM

اخ علي هل نشاطك فقط بروست يعني ما تبيع مثلا برجر او مسحب او اي شي ثاني يعني هل من الممكن يكون المطعم قائم على البروست فقط ويحقق ارباح ولا لازم يكون فيه اصناف اخرى عشان تشيل المطعم

علي قاسم · #53 (**permalink**) 13-07-2016, 09:15 AM

اقتباس:

المشاركة الأصلية كتبت بواسطة متفائل2016

الله يرزقكك من واااااااااااااااسع فضله

امين ولك بالمثل

علي قاسم · #54 (**permalink**) 13-07-2016, 09:21 AM

اقتباس:

المشاركة الأصلية كتبت بواسطة ملك الهوكي

اسأل الله أن يبارك لك في رزقك، ولكن نصيحتي لا تقول للزباين أن الدجاج طازج! لأن دجاج غير ذلك!

...

عندي اقتراح لك: ليش ما دام عندك مكينة بروست كل يوم تزبط لك خلطة وتجربها
صدقني هذا الشيء ممتاز لك، تكون لك خلطة سرية وانت تلعب لعبتك بعدين.

صحيح أن البروست ربحه جيد والطلب عليه كثير والطعم في الغالب مثل بعض

لكن أنا أقترح عليك هذا الشيء وتشوف..

بعدين تخلي سعر البروست العادي هذا بسعر مثلا ب15 ريال
والبرست اللي من خلطتك تخليه ب17 وتشوف هل الزباين أعجبهم أم لا!

اهتم بالسلطات مثلا الثوم وغيرها وضبط لك خلطة

والله يوفقك ويرزقك

ويبارك لك يارب
البارح حطيت ورقة في المحل ان الدجاج برازيلي مجمد ونفس دجاج البيك برازيلي
بالنسبة للخلطات يحتاج لك وقت طويل لحد ماتعرف هل هذه الخلطة مرغوبة او لا

وتقريبا تحتاج منك سنة كاملة او اكثر
لانك ماتقدر تقييم في يوم وليلة للخلطات

ولو رفعت السعر الاغلب راح يروحوا مكان ثاني اقل كلفة
لان البعض اذا ماقلنا الاغلب يهتم بالسعر اكثر من الجودة
ويقول كله دجاج واحد ولكن السعر يختلف

الله يعين , ويسهل لك امرك والله يرزقنا واياك من واسع فضله

علي قاسم · #55 (**permalink**) 13-07-2016, 09:24 AM

اقتباس:

المشاركة الأصلية كتبت بواسطة عزوزو

الف مبروووك يبو قاسم الله يوفقك باذن الله انا عندي مطعم بروست وعندي شويت مشاكل فيه ابي اخذ رايك فيها طبعا حاولت ارسل لك على الخاص ولاقدرت أتمنى تتواصل معي على الايميل وشكرا azozhf000@gamil.com

الله يبارك فيك
الله لايجيب المشاكل , ولكل مشكلة حل
واول حل للمشكلة هو مناقشتها او تفهمها
تم ارسال رسالة على ايميلك من vbn959@hotmail.com
اعتذر عن التاخير لكثرة الانشغال
والله يسهل لك امرك يارب

علي قاسم · #56 (**permalink**) 13-07-2016, 09:33 AM

اقتباس:

المشاركة الأصلية كتبت بواسطة بصيص أمل مقتول

من جد من جد الله يوفقك ياااااااااااااااااارب والله العظيم مثال للشاب الطموح المكافح ماشاالله تبارك الله
مستمتعة جدا وأنا أقرأ تفاصيل البدء في المشروع لأن التجارة تمشي بدمي تفكير طبعا للحين مابدأت ولا مشروع خاصة إني بنت ومحد بيساعدني والبلدية معقدة وماعندي راس مال
بس يارب يتحقق حلمي وأصير سيدة أعمال

المهم نرجع لموضوعك

الله يوفقك يارب ويرزقك وأكيد حيجي اليوم اللي ترتاح فيه بس دايم البدايات صعبة وأنت مكافح ومجتهد وأكيد ربي بيطرح لك البركة والرزق الوفير

**************

أسألتي :
كم راتب العمال
كم عامل عندك
كيف تجيب الدجاج
هل عندك مستودع وأش شروطه

بالتوفييييييييييييييييييييييييييق

الله يوفقنا واياك
باذن الله قريبا تفتحي مشروعك الخاص ونشوفك ترفعي روسنا فوق بعلامتك التجارية يارب

بالنسبة للبلدية مو معقدة بس انتي معقدة امورك
بالاول شوفي وش نشاطك اللي تبغين تتاجرين فيه وروحي البلدية وخذي الشروط وروحي الدفاع المدني وخذي الشروط وطبقيها فقط وبكذا مشيتي بنسبة 99 % لانك اذا طبقتي الشروط البلدية على طول تصدر لك رخصة محل تجاري
ونفس الشيء مع الدفاع المدني اذا طبقتي الشروط يوقع لك على رخصة البلدية ومو معقدة
بالنسبة للمطاعم شروط البلدية هي انك تصلحي الجدران بلاط من شان يسهل تنظيفه
والسقف ديكور حديد من شان يسهل تنظيفه وفيه مدخنة للدخان وكل شروط البلدية وشروط الدفاع المدني هي لنفسك وفائدة لمحلك وليس خسارة وهي مفيدة وبدون شروط البلدية او الدفاع المدني محلك راح يكون غير مقبول في نظر الزبائن هذا الصدق

وبالنسبة للدفاع المدني هو توفير طفاية حريق وكاشف دخان فقط مافيه تعقيد ولا شيء

طبعا اذا ماتبغين المحل باسمك وماتبغين تراجعين الدوائر الحكومية , اعملي وكالة لاخوك او زوجك وهو يراجع عنك ويوقع كل شيء عنك باسمه ولكن في الوثائق اسمك, واذا حصلت مشكلة يتحملها وكيلك وليس انتي

بالنسبة للاسئلة الخاصة اللي وجهتيها
راتب العامل الواحد اعطيهم 2000 الفين ريال لكل عامل
عندي 2 عامل ,, في شهر 11 بجيب عامل جديد ثالث لتشغيل شاورما وساندوتشات
لايوجد لدي مستودع ولا اعرف وش شروط المستودع

الله يسهل لك امرك

علي قاسم · #57 (**permalink**) 13-07-2016, 09:38 AM

اقتباس:

المشاركة الأصلية كتبت بواسطة هافانا

ما شاء الله تبارك الله

الله يبارك لك في محلك ويرزقك بواسع رزقه

موفق خير

ويبارك لك في عمرك واموالك وحلالك
ويسهل لك امرك يارب

الامازوني · #58 (**permalink**) 13-07-2016, 09:44 AM

كيف خلطة الثومية

علي قاسم · #59 (**permalink**) 13-07-2016, 09:47 AM

اقتباس:

المشاركة الأصلية كتبت بواسطة العضوخالد

هذي المادة مسرطنه

كلامك غير صحيح
ولو كانت هذه المادة توجد فيها مشكلة راح يمنعوها الجهات المختصة من دخول السعودية
لوجود مواد مسرطنة واقصد بالجهات المختصة مثل الهئية العامة للغذاء والدواء والبلدية ووزارة التجارة والجمارك

وهي توضع لتعزيز النكهة وجميع مكونات البطاطس المغلفة مثل ليز وتسالي وفش فاش ودوريتوس
وكذلك الاندومي وكذلك دجاج الوطنية المتبل توجد فيها تعزيز للنكهة ولا تكاد تخلوا ماحدة الا وتحصله موجود فيها
باسم ( جلوتومات الصوديوم ) ( معزز للنكهة ) ( جيتو موتو ) ( ملح صيني ) كل هذه اسماء له
ونحن نضع مقدار ملعقة ونص الملعقة مع 4 كرتون دجاج.

الله يبعد عنا الامراض ويوفقنا واياك مستر خالد

علي قاسم · #60 (**permalink**) 13-07-2016, 09:49 AM

اقتباس:

المشاركة الأصلية كتبت بواسطة سر الصباح

جهد جميل الله يجزاك خير

ويجزاك ربي كل خير ويسهل لك امرك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

فتحت محل بروست ولله الحمد احد عنده سؤال يتفضل

قسم مشاريع وأفكار