السلام عليكم

عندي سؤال مهمم بخصوص المقابلات الشخصية والسيرة الذاتية

اول شيء انا كنت موظف بشركة بإسم مشرف قسم واستمريت بالوظيفة لمدة مايقارب ال 7 شهور

المهم إني طلعت من الوظيفة والسبب إن المشرف اسم على الفاضي يعني يخلوه ينظف واشياء كثير مالها دخل بوظفتي

يعني فوق مسؤولية القسم يخلوني اشتغل بأشياء هي من شغل العمال المفروض الهم إني تحملت وصبرت قلت يمكن اول 3 شهور تدريب .. بس الواضح الي اشوفه ان كل الموظفين المشرفين يشكو من نفس الموضوع ..! المهم تعبت نفسيتي وقررت أطلع بعد 7 شهور شغل ..

الحين السؤال لما بقدم على وظيف ثانيه بالمقابله احتمال كبير يسألني عن سبب خروجي من الوظيفه

وش يكون الرد المناسب له ؟


والسؤال الثاني هل اكتب بالسيرة الذاتية بالخبرات اني موظفت 7 شهور ؟ مع العلم ان عندي دورة من الشركة بتدريب المشرفين لمدة اسبوعين ..

يعني اكتبهم بالسيرة الذاتية ؟ ولا وش

ارجوا الاجابة ضروري ..

وعليكم السلام
ب النسبه للسوال الاول اذا انسالت هالسوال المفروض ماتذم الشركه ابدا وقت المقابله حتى لو هي فعلا سئية لان ممكن يفكرون انك لو توظفت عندهم وطلعت رح تسئ للشركه بعد فتره ورح تحتسب نقطه سلبيه عنك . وب النسبة للسوال الثاني من المفترض انك ماخذ شهاده خبره من نفس الشركه عن خبرتك مثال 6 او 7 شهور لان مستقبلا لو قلت اشتغلت في المكان الفلاني رح تنسال عن الشهاده الخبره وين !

اضافة الي ذلك ممكن تجاوب على السوال كالبحث عن فرصة عمل أفضل أو ارغبة في الحصول على وظيفة توفر لك فرص أكبر لإستغلال مهاراتك وتنمية قدراتك وتتفق مع خطتي المستقبلية لحياتك

يعطيك العافيه ماقصرت

بس السؤال الثاني انا قصدي هل ال7 شهور راح تكون نقطة سلبية بالسيرة ذاتية ؟ يعني لازم اكتبها بالسيرة ولا الافضل اشيلها ؟

كمل بالشركة وقدم على وظائف
واذا جاك عرض افضل اتركهم

كذا حتى لو توظفت تقولهم اعجبني عرضكم او لقيت وظيفة افضل بس تجنب تذم اي وظيفة قديمة

لكن اظن فيه شهرين انذار حسب نظام وزارة العمل الجديد
لازم تعلم الشركة قبل استقالتك حتى تداوم شهرين وحتى يوفرون بديل او تدفع راتب شهرين للشركة
لكن ما ادري هل عقدك داخل تحت النظام هذا او تحت القديم اظنه شهر

اكتب كل شيء بالسيرة الذاتية

لكن سؤال هل وظفتك الشركة بس علشان ما اندعمت بصندوق الموارد قبل كذا ؟او علشان معك خبرة ؟
لان يمكن تواجه اشكالية ببعض الشركات لان بعضهم يطلب ماتكون اندعمت قبل كذا

انصحك تكمل معهم وماتخرج الابوظيفة جديدة .
او ع الاقل تستمر لمدة سنة ع الاقل.
لأنه الخبرة قليلة بالنسبة لوظيفة مشرف قسم اذا كنت ناوي تتطور اكثر في مجال الاشراف .

بالتوفيق لك .

السبع شهور هذه ميزة وليست عيب ،
خذ فيها شهادة من التأمنيات وارفقها في ملفك CV
والشركة تعطيك فيها شهادة خبرة ..

والجواب على السؤال إنك تبحث عن فرصة أفضل
وأنتبه من الإساءة للمنشأة الأولى
ركز على أنا أبحث عن الفرصة الأفضل لتحقيق طموحي
بأختصار أشعرهم بإيجابيتك لا بسلبيتك وزعلك من الشركة الأولى ..

والأفضل
لاتخرج من شركته قبل أن تضمن الشركة الجديدة
عصفور في اليد .. ع الأقل تكمل سنة ..