السلام وعليكم

لي ما يقارب ثلاث سنوات اشتري أغنام بالجملة وابيعها بالتجزئة في اسواق الرياض مثل العزيزية وسوق النظيم واعلانات بالنت .. والحمدلله الأرباح طيبة بس المجهود البدني كبير ..

السنة هذي قررت اني اتوسع والحمدلله طلعت سجل تجاري لتجارة المواشي وحالياً ابحث عن ممولين أو شركاء للشراء الآن والبيع لموسم عيد الأضحى .. السنة اللي راحت حققت ارباح 30% تقريباً .

أي شخص عنده رغبة انه يمول او يرغب في عمل المشروع يتواصل معي ويبشر بالخير الشغلة مربحة وممتعة .

وهنا نقاط عشوائية عن المشروع :

أولاً : شراء أغنام بالجملة (ذبايح) للأنواع الدارجة والمرغوبة مثلاُ في الرياض (النعيمي، والسواكني) والنجدي ينفع في المواسم فقط .. خارج لمواسم سعره طايح .
ثانياً : تشتري من الاسواق المعروفة بأسعارها المناسبة مثل حفر الباطن او تطلع للبر عند مربي الأغنام وتشتري منهم مباشرة . واذا رحت للحفر اشتري من القطع الكبيرة يعني اللي فيها من 100 راس واكثر اسعارهم مناسبة بعكس القطع الصغيرة كلها لشريطية واسعارها ما هي بعيدة عن الرياض .
ثالثاً : اول ما تشتري صور ونزل اعلانات على النت في موقع حراج مثلاُ . ولا تطمع خلك سمح في البيع واكسب زباين ..
رابعاً : نصيحة مهمة جداً (لا تبيع الا كاش) خاصة للمقربين جماعتك وزملاك في العمل واخوياك .. كاش وبس .
خسرت حوالي 70 الف ريال بسبب البيع بالآجل وتبت الحين ابيع كاش اللي يبي حياه الله والا ما يبي يروح يشتري من السوق .
خامساً : اكسب الشريطية والمحرجين في سوق الغنم .. يجيبولك زباين وانت في بيتكم .

واي سؤال او استفسار تحت امركم

ما شاء الله
الله يوفقك , وتجربه ممتازه

الله يسهل لك امرك

كم راس المطلوب كبداية
و كم راس عشان نبدي