20-10-2008, 11:47 AM
|
 |
عضو نشيط
|
|
تاريخ التسجيل: Nov 2006
المشاركات: 128
معدل تقييم المستوى: 38
|
|
|
عنده 100 مليون ريال وانا ما في جيبي ولا هلله
انا ما افهم في السياسه ولا افهم ولا في اي شي
انا مواطن بسيط من الطبقه الكادحه ولا يفرق بين دعم دوله لدوله وبين وقفتي في سرا ثلاثه ايام عشان اخذ رقم وايت تحليه ....
بسيط جدا واظن ان الكلام في السياسه من المحرمات التي تخرج من المله ..
لكن ابيكم بس تحطون انفسكم في هذا الموقف !
ابوي
عنده 100 مليون ريال وانا ما في جيبي ولا هلله ومحتاج بيت اتزوج فيه وعاطل وشهادتي مبروزها في كل ملف علاقي على وجه البسيطه
وفي يوم قلت له يا بابا ابي 50 ريال ابغى اعبي سيارتي بنزين لاني سمعت عن شركه ممتازه يمكن يوظفوني .
قالي ما عندي
قلت في نفسي و بكل عفويه شكرا لك يا بابا الله يخليك لنا ذخر والله يرزقك الخير ويخليك لي يا رب
وفي يوم من الايام شفته طالع من بيت جارنا ابو طوني وهو مستانس وضحكته شاقه وجهه شق
انا اعرف الوالد ما يضحك بسهوله وضروري اعرف سر هالسعاده اللي هو فيها طيب يضحكني معه لعل انسى الطفر والحاله جيم ( جفاف )
وبعد الاستفسارات والتقصي عرفت انه كتب شيك لجارنا ابو طوني بخمسه ملاين ريال .
في هذي اللحظه وش تكون ردة فعلي انا ملفس و ساكن بالايجار وسيارتي مبنشره وحالتي حاله.
خلني اخمن انا وانتم اختارو من تخميناتي
بابا زعلان علي == طيب ليه زعلان وانا دايم تحت امره وما اخالف رأيه.
بابا مسحور == معقوله جارنا ابوطوني ساحره لا لا لا وابوي ما شاء الله عليه محافظ على الصلاه وذكر ربي دايم على لسانه .
بابا بيتزوج بنت ابو طوني == معقوله يستغني عن امي ام العيال الحبيبه .
بابا يعرف شي انا ما اعرفه == طيب ليه ما يعلمني مدام علاقتي معه اكثر من ممتازه بدل ما يتركني في نار الحيره .
طيب ايش اسوي مدام ابوي مستغني عني ولا حتى يرضى يكلمني ودايم يسمع كلام ابو طوني واصحابه اللي حواليه.
والله ما في يوم قد عصيت امره ولا قلت له كلمه تسيء اليه والعلم عند ربي اني بار به ولا عقيته في شي
ليه تتركني في حيره يا بابا ليه ؟؟؟؟؟؟؟
الم تسمع يا ابتي صرخاتي ام من هم حولك اقفلو الابواب بيني وبينك
واسكتو كل من يحكي لك عني
ابتي اني احمل اسمك الغالي واعرف اني مهما فعلت ومهما ابتعدت
فستبقى ابي الى يوم الدين
اقترب مني وسوف اكون اقرب منك اليك ابتي .
|
العرض الشجري
