السلام عليكم والرحمه.
المهم بخش بصلب الموضوع انا خريجه من 10 سنوات وننتظر التعيين اللي مدري وين أرضه لهالحين فكرت اسوي مشروع بسيط اعتمد فيه على نفسي وتحمست جدا لما قريت مقال بأحد المنتديات عن التجاره وماتجاره واروح اشتري لي مواعين من ابو10 وابيعها على الأهل والجماعه من 25 المشكله رحت شريت ونشبت بحلقي محد شراهن وراحت خسارتي بمهب الريح.. ولاعفت السالفه واروح اتعاقد مع تاجره للملابس تبيع القطعه من 100 وانا ازود عليها مبلغ وابيعه المهم سويت اعلانات لليل وقروبات تجاريه واتس وصفحه فيسبوك مع اني اكررره ذا البرنامج إلا أني غامرت وكالعاده محد تجاوب معي وللحين وانا أفكر وين الغلط بالموضوع حزات اقول مالك ومال الشقا ووجع الرأس ومرات اقول احتاج كل شيء الاهل مومقصرين لكن إلى متى وانا جالسه بطالي لاشغله ولامشغله.. وأنا الحين أفكر افتح محل للهدايا والتغليف والطباعه على التيشيرتات وهالامور بما ان البنات يحتاجونها لي خبره فالتغليف وقت مناسبات عندنا اغلف انا وأختي وشغلنا لايعلى عليه لكن القريه اللي متواجدين فيها مالها بهالامور جدا مع أنهم يحتاجون مشغل نسائي ومكان خاص للنساء يوفرلهم مستلزماتهم الخاصه.. الإشكالية الدعم المادي والتمويل ابي جهة تتبنى مثل هالمشروع وش تنصحوني به لاتقولولي المئوية وباب رزق وعبداللطيف جميل وطقتهم لأن شروطهم للأسف تعجيزيه بدل ماتساعد تعجزك .. من له خبره بهالامور لايبخل عليه لو بمشوره..

انتي باي مدينة اختي

حلو


انا سالتك عشان اعرف كيف سلوك الزباين و تفكيرهم و امكانياتهم المادية

احيانا في اشياء تعتبر عادية جدا في القرى مثل الاكلات الشعبية او المشغولات اليدوية او الملابس التراثية تكون لها زباين في المدن الكبيرة و الاماكن الي يجونها السياح

و كذلك احيانا بعض الاغراض تكون عادية في المدن
مثل الملابس الماركات او الحلويات المستوردة او الاجهزة الالكترونية
عليها اقبال جدا

اقترح عليك كالاتي
سفرة الى دبي او تركيا
و اذا ما امكن السفر الى جدة او الخبر او الرياض
تشوفين افكار و تاخذين و صديقني راح تستفيدين

هلا فيكِ اختي فطوم
للابد احب البنات الطموحات واللي يفكرون بتكوين ذاتهم
نصيحة اخت لك معهد ريادة الاعمال
واقري تجارب هنا لليل
العيب الوحيد أنك تحتاجي كفيل حكومي
والإجراءات تتطول شوي يعني من وقت تقديم للافتتاح تجلسي حول السنه وامكن أكثر شوي


وممكن مستقبلا اتواصل معك واعرض من منتجاتك واعمالك إذا تيسرت اموري بإذن الله


وقبل كل شيء استخيري بأي خطوة تجاريه تسوينها والله يدلك على طريق تحققي ذاتك فيه ويتوسع رزقك منه بالخير

الله يوفقك اختي

كتبت رد طووووووويل وفجأه مدري شصار عليه مافيني ارجع اعيد ..

المهم.. معهد رياده اذا شافوك متمكنه وخبيرة وفاهمه مشروعك اللي بتقدمين عليه راح يتغاضون عن شهادة الخبرة .. هذا كلام الموظف لي

اهم شي الكفيل وحاولي تفهمين كل صغيرة وكبيرة بمشروعك وتكوني ملمممه فيه .. جربي روحي لهم ماراح تندمي ان شاءالله


بالتوفيق لك وعسى ربي يفتح لك ابواب الخير