03-06-2016, 02:26 AM
|
 |
عضو جديد
|
|
تاريخ التسجيل: Jun 2015
المشاركات: 25
معدل تقييم المستوى: 20
|
|
|
رد: وتيتي مثل مارحتي جيتي..
اقتباس:
المشاركة الأصلية كتبت بواسطة فطوووووم قحطان
هلابك افكار مبعثره والله يجزيك كل خير. . ريادة الأعمال مومشكلة الكفيل الحكومي بحصل.. مويشترط شهادة خبره واختش فالله ماعندها أي شهادة غير البكالوريوس تعرفي أحد طلع ريادة بدون شهادة الخبره ..
وش الشروط عندهم غير الكفيل والشهاده
وجعلك وشيبانك للجنه البارده يارب ويوفقك بحياتك. .
|
يكفي أقولك أنا قدامك مثال 
بدون خبره فعليه يعني لا اخذت دورات ولا جربت ابييع بالانستقرام أو غيره من قبل
بس الشخصية وثقتك بنفسك مهمه
أنا وريتهم شغلي اللي على نطاق عائلي يعني ما عرضته للبيع ابدا
سألوني عن السبب ليش ما جربت ابيع قلت لهم اني رافضه فكرة البيع بالانستقرام طموحي أن ابدا بمحل وبشيء واقعي وملموس من المشتري
هذي شخصيتي وتركيبتي
المهم كانت وحده نفس مجالي واوسع بعد اخذه دورات في المجال ما قبلوها
ماجابت لهم صور لشغلها
و ما اقنعتهم شخصيتها
لذلك رتبي الشغل اللي سويته او سوي شغل صوريه بجوالك
وعادي تجيبين لهم شي انت عاملته كثير بنات جابوا لهم عينات هذا اللي شغلهم بتنسيق الفواكه او الورود او الهدايا
المهم رياده ما فيها واسطه صدقوني 100%
هي تعتمد على ثقة الشخص بنفسه أسلوبه حواره معهم
يعني يوم المقابلة البسي شيء انيق ورسمي اهتمي بشكلك كسيدة اعمال ادخلي واجلسي بثقه
ناقشيهم بهدوء وابتسامه شخص واثق من نفسه
الذكاء بالردود هو شيء فطري بس الواحد لازم يكون ذكي هههههههه
يعني يفهم اذا هذا شخص يبي يأخذ جواب ومن جوابه بيحرجه بسؤال
اقري وتثقفي اكثر عن مشروعك مو مطالبه ابدا بدراسة جدوى
لكن لابد تصيري ملمه بكل جوانبه
البضاعه من وين
كيف تربحين وكيف تعوضي خسارتك لو لا سمح الله حصلت
خليك واثقه خصوصا أنت شخص جرب البيع والشراء
انسانه طموحه جربتي اكثر من مجال
فرصتك وخبرتك بسوق وحاجة اهل المكان اللي فيه كبيره
توكلي على الله واستخيري والله يوفقك ويوفق الجميع
ونسيت اقولك في دعم لبنات المحافظات أقوى مهما كان يتغاضوا عن أشياء عشان يدعمون المشارع اللي تخدم وتطور هذي الاماكن
حتى بتمويل ينزل لهم القرض بسرعه اكثر من مشاريع اهل المدن
وبجد اللي يشوف دعم ريادة وبنك التسليف وموظفاتهم تحديدا يقدر البلد اكثر واكثر من اكثر الجهات
اللي تعزز فيك كيف الوطن يعطي ويدعم ويشجع
|
العرض العادي
