السلام عليكم
أنا سجلت في جدارة قبل شوي وكملت البيانات كلها وأرفقت الوثيقه
وش أسوي بعدها كيف طريقة النقاط والوظايف ماني فاهم شي
افيدوونني

لاتستعجل على شئ
مافيه وظايف😢💔
الله كريم

لا أحد
مانـي مستعجل على شي 😁
وعارف ان حنا مطولين بس أبغى اعرف كيف التسجيل وكيف اعرف النقاط والتقديم والاختبارات
أنا متخرج جديد وماعرف شي

وعليكم السلام ورحمة الله وبركاته
أخي الكريم/ تركي

1- تجيك رسالة على جوالك من نظام جدارة خلال يومين .. يكون مكتوب فيها (إنتهت إجراءات التدقيق والتوثيق) ويكون حالة الطلب (مكتمل).
2- أدخل على الرابط هذا https://www.mcs.gov.sa/Employment/Pages/AdsPlan.aspx
تلقى فيه الخطة السنوية للإعلانات الوظيفية .. ودائماً يبدأ أول شي تقديم الرجال وبعدهم تقديم النساء .. بتلقى تاريخ تقديم الرجال على كل إعلان.
3- إذا بتقدم على وظائف التعليم لآزم قبلها تكون مختبر (إجتياز إختبار كفايات المعلمين والمعلمات) والإختبار يكون عن طريق (المركز الوطني للقياس والتقويم - قياس) الرابط
http://www.qiyas.sa/Tests/Profession...chersTest.aspx
4- هذا موقع وزارة الخدمة المدنية على التويتر @SaudiMOCS وهذا موقع المتحدث الرسمي للخدمة المدنية @MCS_Spokesman
5- إذا تابعت التاريخ المحدد لتقديم الرجال .. وقتها تدخل على حسابك وتقدر تقدم على الإعلان الوظيفي اللي بيكون مطروح عندك بحسابك بجدارة .. بعدها بتشوف الوظائف المطروحه - مسمى الوظيفة - ومرتبتها - ومقرها بأي مدينة أو محافظة - ومقر الجهه الحكومية التابعه لها .. وتقدم عليها .. وأهم شي تسوي لها (حفظ) وتقدر وقتها بعد تحذف أو تعدل .. لأنها بتصير على شكل رغبات .. الرغبة 1 الرغبة 2 الرغبة 3 وووكذا على حسب عدد الوظائف المطروحة .. أهم شي تسوي لها (حفظ) وبالأخير تطبع (ملخص الطلب) وتحتفظ فيه.
أخيراً أخي تركي والمهم إذا كان نوع (المؤهل) شهادتك جامعية أو دبلوم بعد الثانوية .. أقل شي يكون مدت الدبلوم سنة أو أكثر .. ومعتمد .. كذا يكون التقديم عن طريق (جدارة) أما إذا كان نوع (المؤهل) الشهادة الثانوية فقط أو حتى الكفاءة المتوسطه أو الشهادة الإبتدائية كذا يكون التقديم عن طريق برنامج (ساعد) هو نفس الشي تابع لوزارة الخدمة المدنية على هذا الرابط https://www.mcs.gov.sa/Eservices/Pages/VServices4.aspx
الفرق بينهم .. (جدارة) للمؤهل الجامعي والدبلومات من المرتبة 10 إلى المرتبة 4 .. و (ساعد) للثانوية والكفاءة والإبتدائية من المرتبة 4 إلى المرتبه 1 ومعها بند الأجور وبند المستخدمين.
ملاحظة مهـمه .. اللي مثلاً معاة الكفاءة المتوسطه (ودبلوم 3 سنوات أو سنتين) في الحاسب الآلي أو مثلاً أي تخصص آخر .. لآزم وضروري يمر على مقر الخدمة المدنية الموجودة بمدينته (يوجد فرع رجالي وفرع نسائي .. بكل المدن بالمملكة) ووقتها يبلغونة وش البرنامج اللي يسجل عليه يا (جدارة) أو (ساعد).
الله يوفقنا واياك وجميع المسلمين لكل خير ,,,

دهن عود

ياشيخ الله يسعدك دنيا وآخره رد وافي
وانا مالي في التدريس ومابـيه
وانا جامعي تخصصي حاسب الي خريج السنة ذي