اخواني الكرام

السلام عليكم ورحمة الله وبركاته

حبيت استفيد منكم في مشكلتي هذه لو تكرمتم ... انا موظف حاصل على ماجستير هندسة ميكانيكية ... واول ماتخرجت من البكالوريوس قدمت على وظيفه في الشركة السعودية للخدمات الارضية بمسمى مأمور خدمات الاسكان ... ادري انها بعيدة عن تخصصي ولكن وقتها ماحصلت غيرها بعد سنة ونص من العطالة ... قبلوني براتب 5300 شامل كل شي ... وكملت الماجستير وانا شغال فيها وفي نفس الوقت كنت ادور وظايف بس للاسف كان يجيني الرفض بحكم بعدي عن مجال التخصص ... وجلست معاهم 4 سنوات في هذا القسم ولانه ماعندي واسطة ماكنت اقدر انقل قسم الصيانة برغم تقديمي عدة مرات ... وبعد ال 4 سنوات فتحو قسم للعقود ورشحوني عليه وقالولي بس رتب القسم ورح نحاول ننقلك للصيانه فقلت ماعندكم مشكلة ماكنت ارد اي طلب حتى اللي مو شغلي كنت اشتغله اهم شي امشي الامور وما اعلقها ونقلت القسم بدون اي ورق يثبت اني نقلت للساعه مسمايه الوظيفي مأمور خدمات السكن ... والحين صارلي سنتين بالقسم وبحكم ترتيبي بالشغل بطلو ينقلوني وفوق هذا كله ما اعطوني اي درجة طول فترة خدمتي بالشركة 6 سنوات وراتبي مازاد طول هالمدة غير 1200 ريال 200 ريال لكل سنة مع العلم بأن الترقيه عندنا مستحقة كل 3 سنوات ... والمشكلة اني المعيل الوحيد لاسرتي ومصاريف البيت زادت ولمن طلبت يرجعوني اقلها لقسم الاسكان عشان استفيد من الاوفر تايم وشرحت حاجتي لمديري ورفض الموضوع على طول بدون مايبدي اي اهتمام للشغلات اللي سويتها عشان انجح القسم ... فياليت تفيدوني يا اخوان وش الواحد يسوي الحين ؟ هل اطنشه وارجع الاسكان او اشتكيه لمديره او الادارة القانونية بالشركة ؟ يعني الراتب وضعيف وماني قادر اطلع من الشركة بحكم اني ما اشتغلت بتخصصي اللي ارغبه وكذا مره سويت مقابلات بارامكو وسابك وكلها سبب الرفض فيها اني بعيد عن تخصصي ... واعاننا الله واياكم ووفقنا لكل خير