السلام عليكم ورحمة الله وبركاته


بداية الموضوع مبارك عليكم شهر رمضان الكريم
والله يكتبنا واياكم من عتقائه من النار
والله يرزق كل عاطل بالوظيفة اللي يستاهلها وترضيه.


انا والله ماني عارفة من وين ابدأ واحس لو تكلمت بفتح جروح على نفسي قبل غيري
ولكن الموضوع يدور في راسي من وقت اعلان نتائج المفاضلة على الوظائف الإدارية
تقدرون تطلعون على النتائج من هذا الرابط

https://www.mcs.gov.sa/InformationCe...14370829_1.pdf


زي ماانتوا شايفين المفاضلة كانت معظمها على المرتبة السادسة
الصددممممة واللي قهرني ان اللي توظفوا معهم (دبلوووومااااااااات)
نفس اللي معهم بكالوريوس على نفس المرتبة (مستوعبين كمية الفساد بالموضوع والظلم!!!)
بس مومشكلة برضو هم خواتنا والله يرزقهم
عارفين وش اللي يقهر اكثر؟
تمت المفاضلة بيننا حاملات البكالوريوس
مع حاملات الدبلوم (لسنتين او ثلاث بعد الثانوية)

تخيلوا معدل وحدة درست دبلوم (سنتين)
يقارنونه مع معدل وحده درست (خمس سنوات!!!!!!)

نعم هذا اللي حصل
وطبعاً دبلوماتهم مدفوعة وياخذون معدل كامل من 4 وطالع
واحنا بكالوريوس نتسحب اربع الى خمس سنوات على وجيهنا في مواد كثيرة
واختبارات صعبة ومعاناة مع الدكاترة واالكتب والملازم
عشان تجي الخدمة المدنية ببساطة تقارن خريجة دبلوم
درست سنتين مع وحده درست خمس سنوات

من ناحية الأقدمية فهم أقدم طبعاً لانهم استلموا شهاداتهم وتخرجوا قبلنا بسنتين او ثلاث.

معقولة وحده ماقبلتها الجامعات السعودية ودرست دبلوم على حسابها سنتين تتوظف
وانا ياللي شاده حيلي بالثانوي وشاده حيلي بالجامعة خمس سنوات عاطله بالبيت!!
ويفاضلون بيننا كمااااان
يعني هم شايفين ان احنا نفس الشي الفرق فقط في المعدل هي اعلى!

انا راضية يوظفونهم ويتركونا بس ليش تقارنون بيننا وتعتبرونا نفس المرتبة وتاخذوهم كنقاط اعلى!!
طيب اضيفوا نقطة وحده زيادة للي معهم بكالوريوس عشان بس نحس بالفرق

قاعدة افكر احرق وثيقة البكالوريوس واروح ادرس نفس تخصصي دبلوم واجيب خمسة من خمسة
واجي افاضل مع البكالوريوس السنة القادمة



في الختام
مااقول الا الله يحاسب كل ظالم له يد في موضوع التوظيف وللمهزلة الحاصلة
والله يرزقنا جميعاً من واسع فضله.