السلام عليكم و رحمة الله و بركاته

بدخل مباشر ...

ودي اسأل عن سيارة الآيسكريم وين احصلها ؟
و هل تباع جاهزه ؟ و وين تباع في المنطقة الشرقية ؟
وكم سعرها ؟

اتمنى الي خاض تجربة مشروع سيارة الآيسكريم يشاركنا معلوماته
و اتمنى التفاعل من جميع الأعضاء

و الي عنده سيارة وحاب يبيعها من المنطقة الشرقية يكلمني ع الخاص .

وعليكم السلام ورحمة الله وبركاته ..
انا ما اقدر افيدك في الي تبيه بالضبط .. لكن عندي ملاحظه .. وهو ان الناس كله تتكلم عن ان نشاط السيارات المتنقله سيشهد نمو سريع وكبير في السعوديه .. والسيارات المتنقله موجوده في امريكا واوربا من زمان ولكن عندنا توها بدأت تنتشر .. ولذلك ممكن تدخل في اي مشروع سيارة متنقله مو ايس كريم بس .. مثلا سياره متنقله لاعداد الساندوتشات الخفيفه (( تست والخ )) سيارة متنقله لوجبات سريعه ((برجر والخ)) سياره متنقله للمشروبات الساخنه .... الخ

الصراحة فكرة مجنونة انا واحد من الناس الي ابقي احد يفيدنا اتمنى نحصل على وحدة و اتوقع انها بأذن الله تدخل خير من وراها
بس لو احد يفيدنا اكثر و الله يعطيك العافية على موضوعكك

السلام عليكم
بخصوص السيارات المتنقلة اخواني في سيارة دايم بالواجهه البحرية وراعيها كان طالب مبتعث ومتخرج من امريكا
ظبطها وزينها بالاستيكرات وعلامات الكفي والشاشات
واخذ لها تصريح من البلدية وكانت السيارة الاولى بالمنطقة الشرقية
في مرة وقفت شتري قهوة منه وسالت العامل فليبني طبعا الجنسية وقلت كم الدخل اليومي للسيارة
رد علي وقالي
1000 ريال يزيد ماينقص طبعا على حسب الزحمة مرة تحصلة قدام المارينا مول ومرة بالواجهة البحرية
ومشاء الله مظبط السيارة من والى من الشاشات العرض واللاسعار
صراحة شغل مرتب يعني دخل 30 الف شهري بالراحة
شيل المصروفات منها والنثريات قول 10 الف ريال يصفالك 20 الف ريال بالراحة


طبعا السيارة تعتمد على المنظر والشكل مو سيارات الايسكريكم الي من سنة جدي ومن الداخل معفة تشوفها ويدور بالكورنيش

لازم السيارة تكون فوق الخيال وخش قوقل وشوف الصور والسيارات وخذ نظرة بالبحث

عاد مدري تبون احبطكم ولا لا ، انا فكرت فيها ورحت وخلاص نويت ع المشروع ، لاكن ما صدمني الا شروط البلديه حسبي الله عليهم ، طبعا هو مجلد فيه 15 صفحه من اوله لاخره شروط ، بس كله يهون الا شرط واحد ، الشرط هذا الي هو ما تقدر تطلع تصريح وتبيع الا لازم يكون عندك منشأه ثابته ، يعني اذا كان عندك بقاله تسوي سياره متنقله بقاله ، اذا كان عندك بوفيه تسوي سياره متنقله بوفيه ، ما عندك شي تنطم ولا تسوي شي 💔