رد: الميزانيه 50 الف ريال الى 70 الف كـ حد اقصى ( مشورتكم ) جزاكم الله الجنه
خذها نصيحه من اخوك من سنين طويله في التجارة ولله الحمد
اول شي خطأ نسأل عن ايش هو المشروع الناجح !!
المشاريع تختلف ومو كل نشاط يعني ناجح اضرب لك مثال فيه بقاله تدخل اكثر من دخل مطعم وفي المقابل فيه مطعم يدخل اكثر من ارباح خمسة بقالات مجتمعه
بمعنى العيب مو في النشاط بنفسه ولكن كل نشاط يحتاج عدة عوامل للنجاح من اهمها الإداره واهم من الإداره محبتك انت للمشروع
عشان كذا لاتسأل أحد عن مشروع معين لأن كل واحد بيكتب لك حسب مايحلم فيه وغالبية الردود ممكن قالو انشطه ولكن مادخلوها بس سمعو اما من اصحاب محلات او اقارب واصدقاء
اذا تبي نصيحتي
اشتغل في الشي اللي انت تحبه وصدقني بتبدع بشرط انك تكون قائم على محلك بنفسك حتى لو بوجود العمال لابد ان تكون متواجد على الأقل أول سنه حتى تعرف مداخل ومخارج الشغل ومتوسط الارباح
الشي الثاني
انتبه من اللي يوهمك تاخذ محل معين بالتقبيل مهما كان لأن مو معقول انسان يريد التجاره ويبداء في مشروع ويكون ناجح ويقبله وهنالك اتفاقيات كثيره مع الملاك وسماسره يعني تقبيل لاتاخذ ابد مهما كان انت أسس لك نشاط بنفسك وعلى قولة المثل لو فيه خير ماعافه الطير
الشي الثالث والأهم
انتبه من طرق النصب والاحتيال في المنتديات واعتمد على نفسك ولاتسلم عقلك لغيرك
وبالتوفيق
التعديل الأخير تم بواسطة شاب شايب ; 20-06-2016 الساعة 12:09 AM
|