السلام عليكم
ومببروك عليكم الشهر
انا ان شااء الله حاب افتح ورشة حدادة وانا بالرياض وراح تكون الورشة بالقصيم احتمال كبير مارح يجيني احد يبغني اشغل له لن الورشة راح تكون في قرية راح يكون الشغل اسوي كراسي وطاولات وجلسات وطاولات طعام و وشبوك واقفاص واحاول ابتكر افكار جديدة (وهل احد عنده فكرة جديدة ومميزة) وراح اسوق لنفسي بموقع حراج وعبر التواصل الاجتماعي واصحاب المحلات

ووش رايكم في الفكرة
عندي سوال بسيط بخصوص ورشة الحدادة لو افتح لي حوش ورشة حدادة اقدر اطلع عليه تاشيرات او لازم افتح قبل مؤسسة مقاولات؟

ياهلا ومرحبا .. المشروع جيد ويلزمك تفتح ورشة حدادة ولكن لابد ان تكون على شارع تجاري

ومايحتاج مؤوسسة ولاشيء .. حتى العدة اللي تحتاجها ماتكلف واجد

تحياتي

الله يوفقك وانا اول زباينك ان شاء الله

لا يشترط مؤسسة مقاولات

وفقك الله

اخوي اولا الله يوفقك
انت تقول تبي تفتح الورشه في قريه
يعني ما اعقدك البلديه او مكتب العمل
انصحك انك تشتغل بنفسك وتجيب معك عامل
يساعدك ويكون مهنته بدولته حداد
اولا اذا انت في قريه ما فيها مكتب العمل هذا شي طيب
يعني تفتك منهم ومن تفتيشاتهم
نجي بخصوص البلديه اذا انت في قريه وفيها بلديه الله يعينك طلع
رخصه باسمك ولا تقدمها لمكتب العمل كي لا تدفع رسوم فتح سجل و
وكي لا تدفه زكاه ولا فيز تفتك من امور واجده


نصيحتي لك اذا انت في قريه استخرج لك فيزة راعي
وجيبه حداد يكون يعرف وحطه بالورشه وانت معه

الان الراعي سهل استخراج الفيزه حقته
وتجديده وخيص


جيبه راعي واذا شفت الشغل ممتاز قدم على مكتب العمل
وجيب عمال نظاميين

انا سويت الطريقه هذي وشغال الحمد الله
وشغل الحداده فيه فايده زينه والان افكر اني
استخرج فيز وازيد العمال

اول سويت زي كذا الاني خفت اني اخسر بالورشه وتكون خسارتي كبيره
لكن الحمد لله الامور مشت على ما يرى


واي استفسار انا حاظر


اعرف ان البعض يقول سواتك غلط لكن انا بقريه ما عندي مكتب عمل ولا شي واخاف اني اخسر بنفس الوقت

السلام عليكم ورحمة الله
اخواني الي يبحث عن مشروع يستثمر فيه نسبة الخسارة صفر والارباح 50%
براس مال صغير
اعطيكم نبذه عن المشروع :
المشروع تركيب الواح كلادينج خبرتي 4 سنين اشتغلت مع اكثر من مؤسسة خلال الاربع سنين الي طافت وكل المؤسسات كانت تخصصها توريد وتركيب كلادينج والحمد لله اكتسبت خبرة كبيرة في المجال
وحان الان وقت اني استقل وفتحت مؤسسه ولله الحمد ولكن ينقصني سيولة مادية للمباشرة بالعمل
السيوله من 50 الى 60 الف ريال وتدخل معي شريك بنسبة ارباح 50% من كل عقد وتضمن حقك بكمبيالات بنكية وعقد مصدق من الغرفه التجاريه لمدة سنتين ولك الحق تطلع على كشف المؤسسة والسندات كل 45 يوم لتوزيع الارباح وتكون شريك باصول المؤسسة من اليات ومعدات ومركبات وفي حال حبيت تفسخ العقد تسترد المبلغ الي دفعته ويكون العقد لمدة سنتين قابل للتجديد في حال موافقة الطرفين
والله يوفقنا وياكم
الي يبي استفسارات على الرقم 0550877449
ولا تنسى ان الكلادينج صار تركيبه اجباري على كل المحلات والمنشأت من قبل البلدية

للأمانة منقول: https://www.btalah.com/showthread.*****..#ixzz4Bz8OQiM6