السلام عليكم ورحمة الله وبركاته,
أمس جاني مديري المباشر يقول لازم تاخذ إجازة لمدة 4شهور بدون راتب لأن الشغل قليل, انا ومعاي 4 مهندسين أجانب فلبينيين, الأجانب بيسفرونهم بلدانهم وبيرجعونهم بعد هالأربع شهور, وانا بيتصلون علي أرجع بعد الأربع شهور,
في البداية قال لي لازم تقدمها أحسن من ان احنا نفصلك لأني رفضت,
أمس قدمتها واليوم الصبح كنسلتها من خلال برنامج خاص للإجازات عندنا بالشركة,
المهم اليوم جا وقال ليش كنسلتها قلت له ماأقدر وعندي ظروف وإلتزامات مالية وقرض من البنك وبيت إيجار ومصاريف أهل...إلخ, قلت له لو كان باستطاعتي ماعندي مشكلة أتساعد معاكم خصوصا انكم بترجعونا بعد الاربع شهور يعني مب بتفصلوننا على حسب كلامهم, بس ماأقدر لأن عندي التزامات وانا موغني ولاتفكر كل السعوديين أغنياء, طبعا كل هالكلام قلته له بالانجليزي لانه هندي,
المهم قال لي إذا بتداوم في هالأربع شهور ماراح تستلم شي, قلت له بداوم واذا ماستلمت شي بشتكيكم عند مكتب العمل,
بعد ماقلت له مكتب العمل قال لي أوكي بنناقش وضعك بعدين,
خايف يسويها فيني أداوم وماأستلم شي,
طبعا مديري المباشر هندي ومديره هندي ومدرائهم الكبار مصري وهندي وانا السعودي الوحيد في القسم,
خلوني انا و4مهندسين فلبينيين ناخذ هالاجازة إجباري أما مهندسين 2 هنود فماأجبروهم عليها,
الاربع شهور بتبدأ من تاريخ 1july2016
إلى
31october2016
بانتظار ردود الأعضاء mol88 و مميز الأحساء أو أي أحد عنده خبرة لايقصر علينا ويعطيكم العافية.

طبعا الاجازة قدمتها ثم كنسلتها, ومديري المباشر قال لي انه أرسلها لمديره, بس يوم قدمتها موب برضاي مجبور,
واليوم كنسلتها,
واللي أجبروهم على انهم ياخذونها مو بس بفرعنا حتى الفروع الثانية بجدة والرياض يقول لي المدير المباشر حوالي 15 بفرع الرياض ومثلهم بجدة, طبعا فرعنا الدمام.. بحجة انه مافي مشاريع في هالفترة.

وعليكم السلام ورحمة الله وبركاته ,,

صراحة عزيزي أول مرة تجيني حالتك وهم خلفيتي في النظام بسيطة وأعتقد الاخ mol88 ممكن يفيدك أكثر ,,

وفق الله الجميع

شغال معهم من feb2014 الى الآن، هل يحق لهم فصلي في حالة عدم وجود مشاريع للشركة؟ وهل يحق لهم فصلي بسبب رفضي لأخذ إجازة لمدة 4شهور من غير راتب؟
شكرا أخ مميز وادري لوعندك معلومات مابتقصر.

يابوي حنا وقف المصنع عندنا شهرين واستلمنا رواتبنا كاملة ولا هللة نقصت

يوم وقف المصنع فيه موظفين طلبوا اجازة بدون راتب لاكن الشركة رفضت خايفة الموظفين يدورن شغل ثاني

كلام مديرك اجازة 4 شهور بدون رصيد معناه يبي يطيرك خلك فداومك واستفسر من الشؤون الادارية ان تبي تداوم ومافيه يجبرك

تاخذ الاجازة ذي اما الفلبن ياخذون الاجازة ومناك يدور على وظيفة ثانية
بعدين شركتك نفس شركتنا مجموعة شركات خلك في شغلك وراتبك يجيك زي ماهو

أخي الكريم خلك في مكانك
ولا توقع على شيء

و في نقطة مهمة
خل التراسل بينك وبينه رسمي
يعني يكتب لك خطاب يطالبك تاخذ إجازة
عشان اذا اشتكيت تستند على شيء

الله العالم أن نيتهم يطيرونك بطريقة أو بأخرى
فخلك حريص
حسبنا الله عليهم

مرحبا أخوي

اولا الراتب حق من حقوقك ومفروض مايدور اي نقاش حوله او تبين له اذا سعودي غني او لا العقد مكتوب تستلم راتبك كل شهر والحمد الله الأنظمة موجوده وكافله حق العامل اكثر من الشركه نفسها

اول شي ترفض الأجازه وتروح تداوم عادي اذا بلغت شهرين كاملين مانزلك الراتب تروح تشتكي عليهم وتصفى حقوقك لان انا برضو شركتي تتاخر في الرواتب وحضرت دوره واخبروني اذا التاخير من شهرين واقل عادي بس اكثر الواحد يروح يشتكي

خلك عند كلمتك وارفض الاجازه وداوم

مشكورين على الردود يعطيكم العافية وماقصرتوا,
الله يعين.

انت شركتك تريد تعليق العقد بشكل نظامي يعني بلا خسائر لانهم ممكن ما يلاقوا مشروع جديد فيفصلوكم إما لو اردوا فصلك من دون وجود البديل لديهم سيضطروا جلب غيرك بعقد يمكن يدخلهم في داهية وخصوصاً العقد الموحد الجديد .
المادة السادسة عشرة بعد المائة:
يجوز للعامل بموافقة صاحب العمل الحصول على إجازة دون أجر، يتفق الطرفان على تحديد مدتها، ويعد عقد
العمل موقوفاً خلال مدة الإجازة فيما زاد على عشرين يوماً، ما لم يتفق الطرفان على خلاف ذلك.
......................
الفصل هنا سيكون مشروع لانتهاء النشاط انت اهداء وخلك حكيم لانك في نظرهم فرصة من جوكرين كل واحده افضل من الثانية مفصول بفصل مشروع بدون خسائر إلا شهري الانذار غير محدد ، شهر الانذار محدد.
المادة الرابعة والسبعون 19 :
ينتهي عقد العمل في أي من الأحوال الآتية:
1 - إذا اتفق الطرفان على إنهائه، بشرط أن تكون موافقة العامل كتابية .
2 - إذا انتهت المدة المحددة في العقد، ما لم يكن العقد قد تجدد صراحة وفق أحكام هذا النظام؛ فيستمر إلى
أجله.
3 - بناءً على إرادة أحد الطرفين في العقود غير المحددة المدة، وفقاً لما ورد في المادة )الخامسة والسبعين(
من هذا النظام.
4 - بلوغ العامل سن التقاعد -وهي ستون سنة للعمال وخمس وخمسون سنة للعاملات - ما لم يتفق الطرفان
على الاستمرار في العمل بعد هذه السن، ويجوز تخفيض سن التقاعد في حالات التقاعد المبكر الذي ينص
عليه في لائحة تنظيم العمل. وإذا كان عقد العمل محدد المدة، وكانت مدته تمتد إلى ما بعد بلوغ سن
التقاعد؛ ففي هذه الحالة ينتهي العقد بانتهاء مدته.
5 - القوة القاهرة.
6 - إغلاق المنشاة نهائيًّا.
7 - إنهاء النشاط الذي يعمل فيه العامل، ما لم يُتفق على غير ذلك.(((((هذي تخصك ))))
....................
موضوع انك تاخذ اجازه على حسب العقد ممكن ينتهي وانت في الاجازة وتكون خسرت - فائدتهم بعدم دفع راتب لحين ايجاد مشروع بفترة العقد الباقية . شوف عقدك ايضاً.
الحل : ممكن تطلب اجازة إذا كانت مدفوعه بعد ارسال هذا مع أني لا انصح بها نهائياً وابحث عن عمل اخر :
في حالة انك ترسل لهم بناء على طلب الشركة أن احصل على اجازة لعدم وجود عمل كما بلغني من السيد فلان وءأمل معرفة هل هي مدفوعة الاجر أم لا ولكم جزيل الشكر والتقدير ارجوا الرد حلال يومين على هذا الايميل أو فاكس كذا ولو لم يردوا إلا شفوى سجل لهم لان موقفك سيكون ضعيف وخلى في بالك ان تردد اسم السخص عند الحوار واذكر مركزه بما أنك مدير كذا اريد منك وعد بالحصول على راتب ولا تعصب لانك تسجل لهم و تطلب ورقه انك اجازة براتب بناء على طلبهم لظروف العمل ولكن إذا سدت في وجهك ما لك إلا أن تاخذ حقوقك بعد أن يفصلوك بشكوى في مكتب العمل ولا تستقيل لو يموتوا .
.....................
تشتكي ما تكسب شيء لانهم حسبوها صح فكر بعقل الاجانب علشان تكسب.