السلام عليكم ورحمة الله وبركاته
اخواني عندي استفسار اتمنى الاقي الجواب الكافي
انا احد افراد الحرس الملكي خدمت تقريبا 5 سنوات
وتم فصلي غياب 90 يوم بدون عذر
والان لي سنتين فاصل وابغا اسوي اعادة خدمة لكن في مشكلة
لدي تحليل ايجابي سابق وسبب الفصل ليس التحليل غيااب
هل ممكن يكون فيه حل ارجع لوظيفتي

روح لقائد وحدتك في مرجعك
وتفاهم معاه باللين وقوله شهر كريم ومبارك وبين له ظروفك الي مريت فيها
وادعي ربك

وان شاء الله قايد مرجعك يرفع للجهات المختصه ويرجعونك

دعواتي الخالصه لك بالتوفيق وتتيسر امورك وترجع ان شاء الله للحرس الملكي يارب

الله يعطيك العافيه سويت كذا مافي فايده
يا اخوان اتمنى الاقي حل الي عنده حل لا ينساني
جزاكم الله خير
وانا رجعتي لهم والله مو لي لانه والله جاتني مولوده جديده وابغا اعزها

يا اخوان ما الاقي حل عندكم؟

الله يعينك ويرزقك بالي احسن منها
والله يرزقني بالحرس الملكي يارب ي كريم

مع احترامي لك ولشخصك الكريم لو انك تبي تعزها كان عزيت نفسك ومانطرحت في تحليل وغبت عن العمل

عاد انا مادري وش سبب ظروف غيابك يمكن انه بعذر ولكن انت من جنى على نفسك ومكانك اخذه واحد غيرك ولا تقدر ترجع

لانه السي في تبعك مايأهل انهم يرجعونك

كل ماتمناه لك ان الله يوفقك ويزرقك بغيرها ويحفظ لك بنتك

وفر كلامك لنفسك ولعيالك انا عارف اني غلطان وجاي ادور حل
لو ابغى اجيبلها بيت بشهر جبته بالحرام لكن ابي الحلال

يا اخوي الله يحفظلك بنتك وتتولى فعلك و الله يسهل امرك وإذا لا سمح الله ما امداك ترجع لا تيأس وتعلق نفسك بالحرس الملكي قدامك ابواب كثيره غير الحرس...

اما سهيل الشرق ليش تحطم الرجال وهو جاي يبي حل مو تحطيم