السلام عليكم
اخواني انا قدمت بالحرس قسم الشؤون الصحية وتم عمل مقابلتين شخصية. الزبدة إنّو فهموني بان أوضاعه تمام وباقي القبول النهائي واجراته. أخبروني بان الدوام باللبس المدني. ولاكن ماتكلمو عن المزايا المالية بس فالو ملازم اول أقدمية سنه؟؟
أرجو من لديه علم يفيدني بالراتب والبدلات لهذا الوضع خاصة بأنهم قالولي لبسك مدني ماعدا بعض الدورات المهمه تلبس بدله عسكرية.
هل بحكم انه اللبس مدني راح تطيح البدلات؟؟

ماشاءالله تبارك الرحمن الله يوفقنا وياك يارب
بالنسبة للراتب الملازم اول مثل ماسمعت من الشباب
راتب ملازم اول +بدل حاسب 25 بالميه وفي بدل ثاني ناسيه عموما مجموع البدلات 40بالميه
يوصل 13الف او يزيد شوي

واحد قالي في وزارة الدفاع يصل راتبك 18. فا ماني مصدق إنّو راتب الحرس مافيه بدلات زي الناس

الامنيه بعدها الدفاع بعدها الحرس الوطني كرواتب
والامنيه والدفاع متقاربين حاليا

صحيح فعلا الحرس اقل رواتب الضباط بينها وبين وزارة الداخلية
بس بمقابل الراحه وانا اخوك والامر الاخر في بدل هل في بدل اخر بالمستشفى الله اعلم لأكن اغلب الشباب اللي اعرفهم من خريجين الحاسب رواتبهم توصل 12
يمكن الماستر يوصل لي 13 او 14بحكم انك ملازم اول

هذ اللي اعرفه ممكن في شي يخفي علي اسأل اللجنه افضل لك اتصل عليهم او اسأل مركز التوظيف المحلي حق المستشفى وان شاءالله يفيدوك
والله يوفقك يارب

لا اتوقع صحة وجود اختلافات بين رواتب (الأمنية, الحرس, الدفاع)
لان سلم الرواتب واحد
ولكن الفرق يكون في البدلات ..
والبدلات تختلف حتى في القطاع الواحد
يعني ضابطين بالحرس واحد بالمستشفى وواحد بالوزارة .. يختلف رواتبهم
وهكذا ,,,

والله أعلم

فعلا اخواني السلم الأساسي ثابت للكل بس انا قصدي كان بدلات.. طبعا كلمت التوظيف المحلي وافادو بعدم العلم. صراحة جدا محتار لان دوامهم من 8-5 يعني زي الشركات.. اذا راتبهم مايتعدى 15 اروح للشركات أحسن ومدني وراتب احلي. جاني عرض من احد الشركات براتب 16400 وتأمين و3 رواتب بدل سكن وعلاوة سنوية تقريبا 10٪‏.

لازم اجيب العلم الصح خلال هل الاسبوعين

ايش تخصصك في الحاسب ومن اي جامعه