السلام عليكم ورحمه الله وبركاته
انا الحاله مسقط بسبب السفر ٩٠ يوم. راجعت الضمان وقالوا لي ان عندي فقط مهله ١٢٠ يوم لتقديم ورقه رسميه تثبت سبب السغر حتى يتم ارجاعي. لكن لاني لم اعلم ان في مهلة محدده، حاليا توها امس انتهت ال ١٢٠ يوم، هل بالامكان يعطوني مهله كم يوم حتى استطيع ايجاد الورقه؟

سؤالي الثاني ماهي استثناءات السفر؟ انا اعلم ان السفر في حاله العلاج او المرافقين للعلاج هذا مقبول، لكن ماذا عن اذا كان سبب السغر هو للدراسه؟ هل هو مقبول؟ وادا مقبول ايش الاوراق الرسميه الي يطلبها الضمان في الحاله دي؟ لان صديقتي مسافره بسبب الدراسه وتريد ان تستفسر.

شكرا جزيلا لكم وفقكم الله

وعليكم السلام
اول شئ ال 120 يوم هذي اللي اشرت اليها حسب مافهمت سابقا انها هي الفتره المحدده للتقديم اي ان الضمان لايعود للمستفيد قبل انقضاء هذه الفتره وهذا قرارهم غير صحيح ولم يطبق على ارض الواقع فبعض المستفيدين قدم من تاريخ اسقاطه وبعد شهراعيدوا للضمان وبعضهم اعيد بعد شهرين وثلاثه وبمعنى اخر ان ال 120 يوم ليست هي المهله المحدده لك للرجوع للضمان بل هي في نظرهم جزاء لك لسفرك للخارج هذا مافهمته من احدى الاخوات وتم ارجاعها للضمان
ثاني شئ بحكم مااعرفه هنا تم ارجاع من يتعالج او مرافق لمريض ولكن بعد مااذاقوهم المر وبكافه انواعه
بالنسبه لمن يدرس ا وتدرس بالخارج اتصلت تلفونيا بأحد الاخوه وافادني ان يحضر مشهد من الجامعه التي يدرس بها بالخارج ويصدقها من السفاره السعوديه هناك او اذا ابتعث من هنا يحضر مشهد من الجهه الباعثه كوزاره التعليم ويقدمها للضمان
هناك لجنه بالضمان تنظر في مثل هذه المواضيع ومن الافضل عدم ذكر لهم ان المستفيد او المستفيده تدرس بالخارج على حسابها لأن ذلك يعتبر مؤشر على عدم الحاجه للضمان

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

احدى قريباتي تم اسقاطها بسبب السفر وطلب منها مراجعتهم بعد اربعة اشهر حتى يتم ارجاعها والله يكون بعون الجميع ويرزقهم من واسع فضله

بقولك وش صار معاي. أنا أسقطوني بسبب السفر شهر 3 او 4 المهم ماحد بلغني لا بمهله ولاشي الان أنا بالسعوديه اجازه وراجعتهم فقط لتحديث الايبان. قالت لي الموظفه ليش مارجعتي للضمان
قلت لها إنتم اسقطتوني عشان السفر واخاف ارجع وانا بسافر مره ثانيه وتحطوها بالبلاك ليست قالت لا إنتي تستحقين ترجعين وزين انك جيتي الان لان باقي من مهلتك يومين بعدها يخلونك تفتحين ملف من جديد
المهم أخذت ورقه رسميه لسبب السفر و صوره من الأحوال و رفعتها وع طول تغييرت الحاله الا قائم .بما انه مهلتك انتهت أتوقع يخلونك تفتحين ملف من جديد عموما هنا ماحد بيفيدك روحي للمكتب. وشوفي وضعك .

أنا بعد ماخلصت الامتحانات للمدارس رحت لوزارة الشؤون القسم النسائي وقلت لهم أنا أبغى أسافر وخايفه تسقطوني من الضمان قالت لي وين بتسافرين قلت لها أندونيسيا وبجلس شهر وأحتمال أقل من كذا قالت وش سبب السفر قلت لها سياحه والله العظيم خزتني خزه ماعمري أنساها قلت لها ليش ماتخلونا نسافر وننبسط مثل الناس وبعدين مصاريف السفر على أخواني قالت على العموم محسوبه لك كل يوم تجلسينه بالخارج قلت زين ودي أروح دبي بعدين قالت روحي اللي ودك بس 90 يوم والأفضل 89 وبعدين ممنوع تسافرين أقسم بالله أنقهرت قهر يعني سجن وأتوكلت على الله وسافرت حتى وأنا بالسفر أهوجس ولا أرتحت دقيقه وحده وأحسب كم باقي من الوقت حتى وأحد أعرفه من المستفيدين وده يسافر هو وزوجته بس خايف يسقطونه قال لزوجته خلنا ننتظر إذا وفاء ماسقطوها الضمان نسافر إذا أسقطوها نجلس بس أحسن شي الرجال والنساء زي بعض حالهم من حالنا لازم نأخذ أذن من الماما اللي هي الضمان ههههههههه ��