السلام عليكم ورحمة الله وبركاته


انا يااخوان عندي حب للكتابة والتاليف
وفي عام 2008 كتبت لي عدة روايات وكنت انشرها بالمنتديات الكبيرة على الانترنت

وشاء الله وانتشرت وحدة من الروايات لي بشكل كبير جدا
وخلال عامين صارت مئات المواقع تتناقلها البعض كان يذكر اسمي ككاتب والبعض ماكان يذكر
وتناقلتها برامج الهواتف وقروبات الايميل
وللاسف بعضها كان مايذكر اسمي ككاتب


وبحكم اني قليل خبرة
فقدت عروض من اشخاص تابعين لدور نشر علشان طباعة كتاب
وكنت استمتع بالناس من خلال الانترنت اكثر


قبل 6 شهور جاتني 6 عروض لتحويل بعض كتاباتي الى اعمال سينمائية
من جهات تواصلت معي رسمي
وتتفاوت العروض المادية من شخص لاخر
وجالس افكر للان في الافضل


بس شخص نصحني اسجل هذه الاعمال رسميا باسمي علشان احفظ اسمي وحقوقي كمؤلف
لان حتى الجهات الي حتتعاون معي راح تطلب تسجيل رسمي


احد يعرف كيف احمي حقوقي واسجل كتاباتي باسمي ؟
هل فيه طريقة الكترونية ؟
ووش الجهه الي اراجعها ؟
وكيف اثبت ان هذه كتاباتي ؟
مع العلم في قوقل موجود عشرات الصفحات من عام 2008 الى الان وكثير منها موجود اسمي كمؤلف


اتمنى الي له خبرة يساعدني لاني اخاف واحد من هالجهات الي تواصلت معي تاخذ العمل وينسبوه لهم

تروح لوزارة الاعلام قسم المصنفات الفنيه وتسجل روايتك باسمك وتاخذ وصل وخلاص اي حد يقلدها تقدر تقاضيه