مرحبا والشهر مبارك علينا وعليكم

.
.
.

مشروع إعداد وجبات إطار الصائم مع الشركات ومكاتب الدعوة والمخيمات
مشروع يطلع ذهب وقسم بالله


من قبل شهر 8 كنت مستعده إستعداد تام إني أجهز وكنت أبغى مكاتب الدعوه تتعاون معاي
بس للأسف متعاقدين من قبل مع المطاعم مع إن كانت فيه حمله واقتراح إن الوجبات ياليت تسند للأسر المنتجه ويكون الأجر أجرين بس ماش أنا فقط كلمت اللي حول منطقتي
كلمت مصانع تجهز لي الأطباق والبلاستيكات واستعديت بس ماكتب ربي
المكاتب متعاقده مع المطاعم
وأنا والله حاطه سعر نفس سعر المطاعم

مكتب واحد يوفر حوالي 400 وجبه
سعر الوجبه 8 ريال
8 * 400 = 96الف
يكون ربحي خلال الشهر 96 ألف ريال
لو مسكت مشروعين يمكن 200 ألف خلال شهر فقط

الحمدلله على كل حال ماني حاسده أحد
لكن عتبي الشديد على أهل المشاريع الخيريه وش يخسرون لو يمسكونها أسر منتجه
وش يخسرون لو فتحوا لنا المجال
أنا تعبت علشان أحصل على تمويل ماعندي كفيل والمشروع هذا كان عندي أمل أفتح مشروع

والله المشروع فيه خير عظيم
أتمنى لو يصير فيه رخصه للعمل من المنزل
والسنه الجايه إذا الله أحيانا يمسكون المشاريع أسر منتجه
مقهوره كثير من القائمين على المشاريع الخيريه كنت كاتبه طلباتي اللي بشتريها ومشروعي اللي بسويه
بس حتى وأنا شاده حيلي وبشتغل مافيه داعم ويقال انهم يبغون الخير
المهم هذي فضفضتي وكل عام وانتو بخير

لا باس ان شاء الله خيرة .. ربي يعوضك بالاحسن ..

انا نفسك كنت احسب الاغلب مو خيرة لي طلع الاغلب خيرة لي من ناحية كل شي في حياتي ولله الحمد على كل حال ..

وكلي امرك لله

كل عام وانتم بخير

اختي الكريمة ما راح شي

انت تقولين هم متعاقدين مع مطاعم مسبقا

وتطلبين انهم يتعاقدون معك بدال المطاعم

انظري للمصلحه العامة كالتالي

هم قائمين على افطارات سواء من متبرعين او هم المتبرعين

ليس لديهم الوقت لإنتظار شخص في طور التأسيس بل يحتاجون لجهات تعمل في نفس المجال وتقدم عروضها لهم

لذلك انصحك اولا بتاسيس مشروعك على الواقع ويكون له مقر وبعدها قدمي عروضك وتواصلي معهم قبل شهر جمادى الأولى

جهزي عروضك وتسلم لمدير المكتب الدعوي شخصيا او لأئمة المساجد التي تقام بمساجدهم موائد الإفطار ومدراء الجمعيات الخيرية التي تقوم بهذا الأمر وتشرحي فيها الفكرة وان الوجبات للأسر المنتجة

وان الوجبات تعد في جهة مؤسسية

لأن لا قدر الله حصل تسمم في الوجبات تتجه الجهات المسئولة للمطعم المعد للوجبات

اما في حالة ان الوجبات تعمل في المنازل بدون تراخيص رسمية فيكون القائم على الوجبات عرضة للمسائلة القانونية امام الجهات الرسمية

فلذلك القائمين على هذا الأمر لايريدون ان يكونوا تحت المسائلة القانونية في اي ظرف وارجوا عذرهم لهذا السبب

فليكن اولا امورك مكتملة ولديك مقر مرخص بعدها اعرضي عليهم

وفقك الله وسدد خطاك

طيب ليش ما تسوي العمل لوجه الله
ماذا تنقصنا

انا مستغربه من طريقه الحسبه يعني همك الربح المادي ما فكرتي
بنفسك بصحتك بفائده الشهر العظيم بالاتقان بالطعم هل انتي آله عشان تقولين امسك مشروعين
و 800 وجبه يوميا !

المؤسسات الخيريه وغيرها من جهات تفطير الصايم تبي مطاعم وناس ثقه عندها قدره على توفير هالكم الهائل
من الاكل يوميا ما راح يوكلون المسؤوليه لاسر منتجه وحرمه هل معقول بتطبخين يوميا هالكم الهائل لمده30 يوم
هل انتي آله ! حتى لوعندك خادمه ..
لاتقارنين نفسك بمطاعم عندها معدات وآلات واجهزه وعماله
مدربه وسيارات نقل وخبره وغيرها
+
المطاعم معها ترخيص وشهادات صحيه وتشتغل بشكل قانوني لو حدث تسمم بيكون فيه جهه تحاسبهم
لكن فرد يشتغل في البيت من يحاسبه !
+لا تحطين اللوم عليهم معقول انتي مجهزه وشاريه ومستعده وانتي مااخذتي منهم عقد ولا اتفاق
الخطأ منك هنا المفروض تسعين لرزقك سوي اعلانك و سوي وجبات للعزاب للعوائل اعرضي في محلات الاسر المنتجه سوي لك حساب سوقي لنفسك
واذا فعلا همك تاخذين اجر سوي افطار صايم لو مره في الاسبوع وبتأخذين الاجر كامل لوجه الله

+
والاهم فكري بالخيره
و اشتغلي على نفسك لا تعتمدين على احد اتعبي على نفسك سوقي اشتغلي ارسلي عينات اتفقي مع محلات
انا اعرف وحده تسوين وجبات افطار للعزاب و العوائل ودخلها في رمضان العام مايقارب 60 الف
تعبت على نفسها و سوقت لنفسها و اشتغلت ماانتظرت احد
وفكري بعقلانيه ولا تقارنين بغيرك و لا تحسبين كم دخل عليهم

مالقيت اسم والله
معين

أشكركم