ارجو حذف الموضوع

طريقة تخطيطك خطأ لو انتي مكانهم مستحيل تتعاقدين مع ناس مو مرخصين ولا عندهم خبرة فيها مسؤلية كبيرة هذه
انصحك تغيرين التخطيط وتبدأين من الصفر
ابدأي بمسجد صغير او بفكرة بسيطة و بداية بسيطة وشوي شوي كبري مشروعك لحد ماتصيرين مؤسسة اعاشة رسمية قادرة تغطي طلبات كبيرة وتستلم عقود

وعلى فكرة حتى المطاعم مساكين يبون يترزقون وبالعكس هم وراهم مصاريف والتزامات وموظفين يبون رواتب لو تقفل محل واحد يعني كذا موظف فيه بيفقد مصدر رزقه
الاسر المنتجة الابواب مفتوحة لهم يقدرون يترزقون بأي طريقة محد بيطالبهم بدفع شي
فمافي احد اولى من احد بالشغل, الشغل الجيد يثبت نفسه والطلب عليه يزيد
ولو فيه اسر منتجة شغلهم ممتاز ومرخص ورسمي وعندهم القدرة يغطون اكيد بيحصلون اللي يتعاقد معاهم

سبحان الله
اغلب العالم الي بدت مشاريع وتقفلت كانت بنفس تفكير صاحبة الموضوع

تقول ابربح 96 الف
طبعا ماخصمت ثمن وتكاليف الوجبات ولا الاعداد ولا الي بيشتغلون ولا التوصيل
بس على طول اخذت الربح

وبعدين اسر منتجة ايش وخرابيط ايش ؟
الموضوع ماهو بيع بليلة في حارة

هذه وجبات تصل الى 1000 وجبة
تحتاج اعداد وعمالة ومواد وترتيب وتنسيق وتوصيل


الله يهديك لو تتركين الحسد والنظر الى رزق الاخرين بيجيك الفرج

رد معين وسهم الحقيقه سليم وعشرة على عشرة لكن التوصيل بسيط المكاتب لديها سيارات لإحضارها ان لزم الامر ويوجد شباب متعاونين لأجل ذلك ولا يريدون الا الاجر فقط .

استفدنا منكم فشكرا للكل وشكر خاص لصاحب الموضوع وبالتوفيق لكم

حبيت اوضح بعض الفروقات لحديثي العهد بالتجارة.

فيه شي اسمه دخل المشروع
وفيه شي اسمه ربح المشروع
وفيه شي اسمه صافي الربح.

الدخل = المبلغ الي تحصل عليه من بيع بضاعتك. مثلا بعت مائة بطيخة وكل بطيخة بعتها ب عشرين ريال بكذا يكون الدخل الفين ريال
الربح = الدخل - تكلفة البضاعة. مثلا الدخل الفين ريال وانت اشتريت البطيخ ب خمسمائة ريال بذلك يكون الربح الف وخمسمائة ريال
صافي الربح = الربح - جميع التكاليف الاخرى. مثلا ربحك الف ومخمسمائة ريال وكلفك نقل البطيخ من وادي الدواسر للرياض مائة ريال بنزين وخمسين ريال زيت ماكينة السيارة و خمسين ريال تحميل البضاعة و خمسن ريال صيانة السيارة و خمسين الريال وجبة فطور وغداء و مائتين ريال اجرة شخص يساعدك في البيع. يصير صافي الربح = الف وخمسمائة ريال ناقص مائة ريال ناقص خمسين ناقص خمسين ناقص خمسين ناقص ميتين ريال. وبكذا صافي الربح يساوي الف وخمسين ريال


لذلك فيه فرق بين الدخل والربح وصافي الربح.
انت ممكن تبيع ب عشرة ملايين ريال. لكن من دون اي ربح او احيانا تسجل خسارة. لان التكاليف ممكن تكون اكبر من الدخل.



صافي الربح هو المبلغ الي تحطه في جيبك