صباح الخير أنا شاب وناوي أكمل دراسه ومتخرج من الثانوي لي أكثر من عشر سنوات فعندي مجالين للدراسه الأول دبلوم مسائي في كلية التقنية إنتظام وإن شاء الله أكمل عليه بكالوريوس او المجال الثاني أنني أدرس في جامعة الملك عبدالعزيز عن بعد والصراحه ابغى شهادة تفيدني في الشركات او في القطاع الحكومي يعني هل أفضل شهادة بكالوريوس كلية تقنية انتظام أم بكالوريوس جامعي عن بعد....وسؤالي الثاني هل أنظمة الخدمه المدنيه الجديدة تقبل شهادات إنتساب ...وسؤالي الثالث معليش على الأزعاج أقدرأكمل على دبلوم التقنيه بكالوريوس جامعي إنتظام وايش اقسام التقنيه اللي في بريدة اللي أقدر أكمل عليها بكالورويوس جامعي وجزاكم الله خيرا....

ملحوظه : الموضوع يخص زوجي وأنا كتبته بالنيابه عنه :

صباح الورد

والله أنا اشوف ان الموضوع قرارك الشخصي

مثلاً عندك وقت تنتظم وتروح وتجي للكلية يومياً فهذا الأفضل

ماعندك وقت للانتظام وممكن تجيب معدل حلو وانت تذاكر في البيت خذ انتساب

شوف انت وش يناسبك وقبل كذا شوف التخصص اللي انت مهتم انك تدرسه وادرس على اساسه سواءً انتظام أو انتساب

وأنظمة الخددمة المدنية تقبل شهادة الانتساب على مااعتقد .. وكذلك في الترقيات في الوظائف الحكومية وغيره يكون الانتساب زي الانتظام بهالحالة

وللعلم اغلب الجامعات ماتقبلك لإكمال الماجستير اذا شهادتك انتساب
الا جامعة القصيم عادي تقبل ********>اذا كان هدفك اكمال الماجستير


اتمنى اني اكون افدتك
الخيار بالنهاية لك .. حاول تختار اللي بمصلحتك واللي تقدر تستمر وتكمل فيه

شاكرة لك

ينقل الى قسم الاستفسارات الدراسية

عندك الجامعة السعودية الالكترونيه
وتداوم يوم او يومين فقط في الاسبوع بالمساء
وشهادتها تعتبر انتظام ومعترف فيها بالخدمة المدنيه