السلام عليكم ..

عندي نقاش بخصوص الوظائف الحكوميه ولماذا الزحمه عليه ولماذا البعض يفضلها على القطاع الخاص ..


خصوصا اصحاب بكالوريوس يتوظف على المرتبه السادسه ويبدأ براتب 6219 !! وبعلاوه سنويه 305 وبلا اي مزايا اخرى سوى انه ساعات العمل اقل ..

هل تشوفون الراتب هذا يكفي الشخص انه يكون نفسه فيه ويعيش عائلته براحه ! وخصوصا انه اغلبية المقبولين اعمارهم تعدت 28-27 سنه الى هذه الدرجه اصبحت الشهاده الجامعيه ضعيفه برواتب

ماهي الاسباب! يعني لو اشتغل بعد الثانوي وكون له خبرات ودرس بمعاهد انجليزيه .. بيكون وضعه افضل من الجامعي

وماهو افضل خيار لطالب الجامعي بعد التخرج

ورمضان كريم

انا موظف في القطاع الخاص
وربك ليومك هذا لي شهر ونص ما استلمت راتبي!!!!!
لو اني موظف حكومي كان من يوم 24 الساعه 12 فالليل راتبي نازل بحسابي ومرتاح
القطاع الخاص مو مضمون بأي لحظه يقولون لك اقضب الباب
والراتب الحكومي اللي تقول عنه هذا لأصحاب الشهاده الجامعيه التخصصات الادبيه او الشرعيه مثل الانقليزي والعربي وغيره
اما العلمي تبدا رواتبهم من 7 آلاف بعلاوه سنويه 365 ريال

عليكم السلام ورحمة الله وبركاته

اختي الكريم ممكن بعض القطاعات الخاصة أفضل من الحكومية ولكن نتكلم عن الشركات الكبيره مره هي إللي ممكن تكون مضمونه
اما الشركات المتوسطة والصغيره طبعاً بتكون اسوء من الحكوميظ¬ لأن اي تجاوز ولو كان بسيط او تافهه ممكن الشركه تقولك مع السلامه
او الخصومات بشكل مباشر ومبالغ فيه ولأي سبب
اما الحكومي ف أنت موظف الدوله محد يقدر يخصم منك أو يمنعك من وضيفتك إلا قوانين وتعليمات واضحه
ولكن هذا الشي مايمنع انو تتوظف في شركه خاصه ولو كان براتب بسيطظ¬ افضل من انو تجلس بدون عمل

اما بالنسبه للشهادة الجامعية صحيح الرواتب تبدأ ب 6000 او 7000 لكن مع زيادة سنوات الخبره يبدأ يبان فرق الراتب بين خريج الجامعة وخريج الثانوية بشكل واضح
ممكن شخص متوظف بشهادة ثانويه وقبلك بخمس سنينظ¬ بعد ماتتوظف بسنتين او ثلاث راتبك يكون اعلى منه

ولا ترفع سقف طموحاتك لأن مافيه لا شركه حكوميه ولا خاصه بتوظف شخص خريج بدون أي خبره براتب اعلى من 7000 او في التخصصات الكبيره مع البدلات يوصل ل8000


الحل الأفضل للخريج أشوفه دائماً في استغلال اي فرصه وظيفيه ولو كانت بسيطة وبراتب قليلظ¬ منها تكسب خبره ومنها تكسب راتب احسن من ولا شي
بعدها بتبدا تشوف كيف الفرص الوظيفيه بتكون اكبر

لامقارنة بين وظائف الحكومة ووظائف القطاع الخاص
لأنك إذا ماتوظفت بشركة كبيرة ماراح تعرف الراحة
الحكومي راتبك مضمون تضمنه الدولة وعلاوات سنوية
ومراتب كل أربع سنوات
وإجازتك بجيبك ، ومديرك سعودي ، والعمل محدد ..

بعكس الشركات كرف وراتب يتأخر وإجازات صعبة ..

وبعدين مو كل المناطق فيها شركات
مثل منطقتي الشركات فيها قليلة جدا لذلك
الحلم هو الحكومية ..