بسم الله الرحمن الرحيم
يا اخوان انا في حيرة من امري
عندي قبول فب جامعتين على تخصصات علوم حاسب وشريعة
وعندي قبول مبدئي في القوات الجوية جندي شرطة جوية بس عندي واسطة وضامن القبول النهائي
وين اروح ادرس جامعة ولا اروح العسكرية
يعلم الله اني في حيرة من امري
امس ماقدرت انام من التفكير
تكفففون انصحوني
وعلموني سلبيات وايجابيات كل منها

اذا تصبر على الدراسة فهي الافضل لك فبدل جندي تدخل ضابط بعد الجامعة او تنفتح لك عدة مجالات اخرى

دخولك للعسكرية في هذا السن حرق لشبابك ولا اقصد التحقير في الوظائف العسكرية .

كل العسكر يدرسون انتساب لعل وعسى تجيهم وظيفة مدنية تفكهم من غثى وهم العسكرية

تقارن الجامعة ب بالعسكريه حرام عليك

فرق ما اقصد احتقر لا والله
بس جد


اذا عندك صبر 5 سنوات او 4 سنوات دراسه

وخصوصا الحاسب يبيله شدت حيل
صدقني لو تقدم بعد الجامعه افضل لك تكون ملازم اول
او تروح تتوظف في اي قطاع


نصيحة دام جاتك جامعه رح ادرس بكره تدخل تجنيد تندم

في حالة وحده بقولك رح اذا مالقيت شي لاسمح الله توكل على الله ورح عسكريه لاكن لقيت لك جامعه افضل لك والله يوفقك

يعطيكم العافية يا قاطف الحروف ومشاري والقحطاني
بس المشكلة ان الجامعة الي انقبلت في فيها في خارج منطقتي ومتردد
شورو علي

والله انا مثلك جامعه ولا قوات الامن الدبلماسي
والجامعه لللحين ماطلعت نتايجها

اقسم بالله العظيم اني لك ناصحح

انسى شي اسمه عسكرية

كمل دراستك الجامعية حتى لو تبعد عنك الف كيلو

تتعب اشوي وتاخذ الجامعة

او تتعب طول عمرك بالعسكرية ؟؟

انت اللي تختار

طال عمرك خذ الثنتين خذ العسكرية وكمل تعليم عن بعد بجامعة فيصل

اخوي اذا انت طالع لك قبول بكليه ضباط أقولك رح عسكريه اما اذا أفراد كمل جامعه وخل معك شهاده علميه وإذا براسك عسكريه بعدين قدم عليها وتدخل ضابط لان الأفراد تعب وكرف ورواتب مو زي الضباط

يعطيكم العافية ماقصرتم
شكلها جامعة انشاءالله