يا اخوان انا مهندس ميكانيكي ومعدلي عالي ومن جامعة البترول
الي اغلب الشركات تقبلة بسهولة لكن اليومين التوظيف فيه مشاكل
لكن انا قدمت على الكلية الامنية وقدمت على الحربية
الامنية خلصت كل الاجراءات بس باقي القبول النهائي لكن الحربية الموعد بعد العيد
رغبتي ان اكون باستخبارات العامه لاني مهتم كثير بالسياسة الدولية فضلا اني درست كورس عن العلاقات الدولية
لما كنت بالجامعة الدكتور ضابط بالانتربول الاوروبي
لكن لما كنت اقوم باجراءات الكلية الامنية ما احد سالني وش اهتماماتك ووش الي
عندك من لغات علما بان لغتي الانجليزية كويسة وحاليا بديت اتعلم فرنسي
(غير انهم اصلا ماسسالوا عن شي ثاني عن هواياتك او مثلها (لاني احب البرمجة
هذا الشي سبب لي احباط لان ما ودي يوجهوني لقطاع غير الاستخبارات
بعد هذا الدراسة كلها والتعب ومرتبة الشرف واني اتغرب عن اهل اصير بقطاع اي واحد
يقدر يصير فيه كنت اختصر السالفة وادرس بالجامعة الي بالديرة
جامعة ناشئة وشفت خريجينها بالكليه الامنية) عن التعب هذا كله)

الامنيه افضل الكليات العسكريه وشوف اعداد المتقدمين لها كم وقارنها ببقية الكليات

اما بخصوص معدلك وشهادتك وجامعتك

اما بخصوص القبول
انت وش يضمن لك يجيك قبول نهائي في الدفاع؟
خليك في الامنيه ان ربي كتب لك فيها نصيب فتوكل على الله اذا لك رغبه عسكريه

اما عن توجيهك ، ما اعتقد يكون توجيهك للاستخبارات
والاستخبارات ياخذون من الجامعيين حول 2 او 3
ويفضلون تخصص الهندسه النوويه او لغه فارسيه او عبريه او لغات اخرى وعلوم سياسيه

والعسكريه فيها غربه وبعد عن الاهل كل القطاعات وحتى الاستخبارات
ودام لك ميول عسكريه لازم تتحمل الغربه والتعيين البعيد

وحتى لو قطاعك في الاستخبارات
عندك 18 شهر خدمه ميدانيه عسكريه في القوات البريه تاخذها بعد التخرج فوراً

وفيه نقطه مهمه

* فيه رئاسة الاستخبارات العامه
* وفيه استخبارات القوات المسلحه
اول وحده وهي الي تقصدها
ثاني وحده
تتعين في القوات البريه بس في مركز الاستخبارات حقهم
او الدفاع الجوي بس مركز الاستخبارات

والله يكون بعونك ويوفقك

انا ولد عمي تخرج من جامعة الملك سعود تخصص هندسه بمتياز من الاوائل على دفعته وقبلوه الكليه الامنيه وتخرج ملازم اول نجمتين وحطوه بالاستخبارات والحين رتبته رائد ويقولي هو الي يجيبون الاوائل على دفعتهم بالامنيه يحطونهم ستخبارات ومباحث اذ جتك الامنيه روح ولاتشاور يحطونك يامباحث او سختبارات

السلام عليكم ، جميل جداً هذا الطموح

ولكن اخي العزيز لتوضيح لتكون في ضابط في الاستخبارات
ابوضح لك نقاط

وجهتين هي ،، الاولى تدخل الحربية ومن ثم تتوجه للاستخبارات العامه. او المسلح

او تدخل الامنية ومن ثم ياتي التوجيه للاستخبارات العامه
من دفعة 45 بالامنية اخذو مايقارب 15 ضابط للاستخبارات

ولكن هذه الكليات مافيها رغبات او اختياري
وانما خلاص ينزل اسمك في قطاع معين حسب الاحتياج

علي حسب معرفتي رحيمي متخرج من كلة الملك فهد بمرتبة الشرف اخر الدورة المتفوقين نادوهم وقالو اختارو القطاع اللي تبونه رحيمي اختار السجون والان ملازم اول في اصلاحية مكة

هل الكلية الحربية انا اختار التوجية يعني اختار الاستخبارات

الشغلة الثانية بالنسبة لأي للدورة بالكلية الأمنية إِيش هي نقاط تقييم الطلاب ووش تفرق عن الكلية الحربية
يعني هل فيه دراسة او مثل هذا القبيل وبالنسبة اذا فيه تقييم على الرياضة انا ما اعرف أسبح ولياقتي صفر
واختبار اللياقة كنت اخر واحد بعدها على طول للإسعاف علما أني مو دب ولا ادخنلكن عندي مشاكل صحية ومعي تقارير واستخدم أدوية

اخر نقطة بعد ما اتخرج أصير ملازم اول مع أقدمية سنة لكن انا صار لي سنة شغال بشركة بس انتهت اعمال المشروع
هل هذا الشي ينحسب لي كا خبرة الي اعرفه أني اذا انتقل من خاص لحكومي سنوات الخبرة تنحسب وتتضاعف يعني السنة بالخاص تصير سنتين لالحكومي او مثل هذا القبيل

ياغالي بما انك هاوي العسكرية فلازم تتحمل الكرف خصوصاً ال 45 يوم

الاولى ، حاول انك تحسن نفسك لياقياً ، لأن طول ال 9 شهور راح

تمشي وتهرول حتى تكون جاهز بدنياً .

بالنسبة للاستخبارات اول مرة اعرف انهم يختارون من طلبة الامنية لأن

حسب ما اعرف انهم لهم مدة طويلة ماصاروا ياخذوا من الامنية ،

ياخذون من الحربية . لكن احب اوضح لك نقطة مهمة .

في الامنية يتم تحديد توجيهك بعد الدورة على حسب تخصصك .
في الحربية يتم توجيهك قبل الدورة

لكن في كلا الحالتين هم من يختارون وليس انت الا ان كان عندك فينامين واو

اخوي مرزوق الله يعطيك العافية انا مو هواي عسكرية لكن مثل ماذكرت ان الوظايف فيها مشاكل هذي اليومين
واغلب الشركات موقفه التوظيف لكن بالنسبة للعسكرية هو اخر حل بالنسبة لي انا مخلص مع شركات وجهات كثيرة
انتظر النتيجة لي ست شهور لكن الله يعني

اما عن الاستخبارات اعرف انها هي أفضل قطاع عسكري (واتوقع انها أفضل وظيفة حكومية من راتب وخدمات) وأنها مهتمة بالسياسة الخارجية الي مثل ما انا ذكرت
انها من اهتماماتي ما ابالغ لو قلت أني على مدار الساعة اتابع برامج سياسية

وانا ودي اذا بدخل العسكرية أكون بقطاع مهتم بمجالة لأَنِّي عكس خريجين الجامعات الثانية
يقولون دخلنا هندسة من الأساس عشان ندخل الأمنية وواحد قالها لي
بصراحة "انا خريج الحدود الشمالية هل تتوقع اروح أرامكو ومعدلي جيد وما عندي لغة ولا واسطه؟" انا حظي
انهارت أسعار البترول مع تخرجي واغلب الشركات وقفت التوظيف
وما ودي تفهمون من هذا انه غرور لأَنِّي من جامعة البترول لكن للأسف ماشفت فيه أنصاف
بالكلية الأمنية لايسالون عن المعدل ولا الجامعة ولا اللغة

انا جاني قبول لما تخرجت من الثانوي بجامعة الحدود الشمالية
كنت اقدر أسجل فيها وانا عند اهلي ارتاح من السفر و الغربة

اخيراً لو انه بعيد عن الموضوع لكن انا ما الوم الطلاب لما يكون ماعندهم ثقه بشهادتهم لان
مسؤولين الجامعات اخر شي يفكر فيه الطالب والله انا استغربت لما قالوا لي شباب قابلتهم بالكلية من الجوف ان الاختبار النهائي
بجامعة الجوف عليه 60٪‏ في كل المواد هذي مصيبة ما ذاكر ان كان عندنا ماده اختبارها النهائي 60 ٪‏ اغلب المواد بين 25 و 35 ٪‏
لكن انا اعرف مسؤولين الجامعات يستخفون بالطلاب لأَنِّي متابع وضع التعليم كل شوي مدير جامعة من هذي الجامعات يطّلع
يستخف بالناس ويقول تعليق الدراسة سبب تخلفنا وأسقف مباني جامعته تخر مويه وانهارت كذا مرة

اخوي ذكرت لنا ان لديك مشكله صحيه
اعتقد بتكون عائق لك بالقبول
اسأل الله لك التوفيق ..

تصبر شوي .. وبتنفتح لك ابواب الدنيا ان شاء الله .
قبل فتره الخدمه المدنيه نزلت وظايف والان الهيئة الملكية وعندك سابك ارامكو تصنيع معادن وووالخ .. لاتبحث عن طريق موقعهم
روح المقر نفسه واسال وابحث
صدقني تحصل
والبترول الان اسعاره لا بأس بها