السلام عليكم ورحمة الله وبركاتة

انا عضو جديد واول مرة اكتب موضوع
طبعا شفت افكار الشباب ومشاريعهم والله يعطيهم العافية ويرزقهم ويوفقهم هذا اولا
ثانيا انا ودي اكلمكم بموضوع
ليش حنا بالسعودية كل شاب يبي يعمل بالسوق لازم يحفر الصخر ويبتكر شي جديد ويبني كل شي من الصفر، وكما هو معروف نسبة من هذي المشاريع تخسر بلا اي جدوى.
بينما بالدول المتقدمة تقدر تعمل تحت اسم شركة موجودة بالسوق وتستفيد من قوتها (فرنشايز)، مثلا اذا ودك تفتح صالة رياضية تاخذ اسم صالة رياضية موجودة بالسوق وتكون شريك معهم، تبي تفتح مطعم تقدر تفتح ماكدونالدز او اي مطعم يناسبك، مقابل نسبة من ارباحك طبعا.
سؤالي لكم يا شباب
لو هذا النظام متاح عندنا هل انك تبي تستفيد منه او انك تفضل تبدأ عملك من نفسك
وشكرا لكم

الفرانشيز حلو بس مشكلته هنا بالسعودية انه يكسر الميزاينة في الرسوم مش مثل الدول الثانية الرسوم معقولة

عليكم السلام ورحمة الله

بصراحه أتكلم عن نفسي لو اقدر أحصل على فرنشايز ويكون طريق الحصول عليه

سهل ما فوتها

ياخي تدري أنهم يدربون عمالك ويوفرون لك كل شي طبعا بقروشك

ويكونو معك على مافهمت

طبعا لك أرباح معينه لكن مافي مشكلة اذا اخذت فرنشايز مميز وقوي

أرباحك منه حتى لو كانت متوسطه راح تكون كويسه بالنسبه لك لان فيه

من واقف معك

وبعدها اذا اخذته شف لك مشروع ثاني غيره وادرسه وانطلق منه

لان أنت ضامن أن لك ارباح ماشيه ومشروع قائم ولا عليك ترسم طريقه

وتتشاور مع الشركه الام في كل صغيره وكبيره وهم أكيد سمعتهم تهمهم

وراح يكونون معك قلباً وقالباً

زي عندك مثلا كودو ودانكن وشاورمر وباسكن كل ذولي لقيت ناس في

تويتر يقولون يعطون فرنشايز وانا مدري والله عن صحتها

أنما هذي الماركات بإذن الله شغلك معها كويس لكن اهم شي الموقع وين بيكون

اذا اخذت موقع كويس هذي كلها شغاله ماشاء الله كويس

هذي ماطراء في بالي

وفقك الله

انا استفسر عن قابلية هذا الموضوع لاني خارج السعودية الان وعندي تفاوض مع شركة خدماتها تعتمد بشكل كبير على عدد الفروع لانها شركة خدمية وناجحة ، وانا لن يكون بأستطاعتي ان اوفي عدد الفروع ، وافكر ان اشوف عدد من الشباب اللي عندهم استعداد انهم ياخذون فروع لهذي الشركة معاي

عندي المقدرة المالية بس ماعندي فكرة مشروع صح

طيب لو ممكن تفاصيل الموضوع وإذا كان مناسب أنا مستعد