السلام عليكم ورحمة الله وبركاته

اخواني انا عندي فكره وبي رايكم جزاكم الله خير
الفكرة محل بيع دجاج مجمد بالكرتون وكذالك بالحبه الجديد في الفكره منشار تقطيع الحم زي الي في ملاحم الحاشي
يقوم على المحل عامل واحد واذا باع للزبون يقوم بتقطيع الدجاجه أرباع او حسب رغبه الزبون كذالك بالامكان اضافه الدجاج المبرد الطازج للمحل وكذالك البيض والكبد وغيره انا عن نفسي اضرب مشوار 60 كيلو عشان اوصل للثلاجه العالميه اشتري من عندهم كرتون ويقطعونه لي لانه المحل الوحيد في نجران كله الي يقوم بتقطيع الدجاج انتو وش رايكم الفكره حلوه أو لا وبماذا تنصحوني

استطلاع يا اخوان

لو خيروك تشتري كرتون دجاج

تشتري من البقاله غير مقطع ويحتاج تكسير بساطور في البيت

وبين

انك تشتري كرتون من محلي بزياده 5 ريال بس اقطعه لك بالمنشار


ماذا تختار

تكفون يهمني جوابكم

وعليكم السلام ورحمه الله وبركاته ..

فكرتكك زينه ومحلات تقطيع الدجاج موجوده عندنا وانا الاحظ الاقبال عليها مابين هه و هه .. يعني وسط رغم انه شي ضروري لان تقطيع الدجاج المجمد متعب كثير وحوسه

شف .. رغم اني ما افقه بالتجاره وكذا ولكن بعطيك اقتراح .. اذا توكلت على الله وفتحت المحل وجبت المنشار حلي اسعارك تكون نفس سعر السوق بالنسبه للدجاج فقط .. اما التقطيع اشوف مبلغ خمسه ريال مناسب جدا وعلى قولتهم يابلااش .. بدل الحوسه اللي تصير ف البيت


وان شاءالله يجونك اهل الخبرة والاختصاص ويفيدونك اكثر ..

بالنسبه للاستطلاع .. انا افضل اني اشتري الدجاج المجمد من محل فيه منشار ولو زاد خمسه او عشره حقت التقطيع ..
بشرط ان يكون سعر كرتون الدجاج مثل سعر السوق من غير زياده


بالتوفيق ان شاءالله .. والله يكتب لك اللي فيه الخير