السلام عليكم ..
انا توظفت صارلي شهر تقريباً في مستشفى قريب مني يعتبر كبير نوعاً ما
وانبسطت لما قبلوني خصوصا ان لغتي مش مره قويه تعتبر ضعيفه
صراحه كل شي بالمستشفى كان حلو اول الايام

بعدها بديت احس ان الوضع ماصار يعجبني وجالسه بين نارين
نار الخبره ونار لو تركت الشغل ماراح القى بسهوله

الاسباب اللي كرهتني بالمكان للاسف
اول شي الاداره ماسكينها بنات صاحب المستشفى وقسم بالله يعاملون الموظفين
كانهم حيوانات !!
مافيه احترام ولا تقدير ابدا
خصم بدون وجهه حق من الرواتب لاسباب تقصير في العمل ، وليس للغياب
اكثر شي يقهر انهم يهددون الطالع والناس بنطلعك خروج بلا عوده
بنطلعكم بدون مستحقات ، والشهر الاخير اللي هو شهر انذار ! تخيلوا مايعطونهم رواتب
الالاف الاطباء انطردوا من المستشفى للاسف ..
وفيه ناس موظفينهم مو دارسين ولا شي وكبار مره بس حاطينهم واجهه والاجانب
وراهم عشان وزارة العمل

وللاسف اسمعهم يقولون قصايد ويصارخون وواحد منهم ينادي الموظفات
ب اسماء دلع !! مهما كانت الميانه احنا في مستشفى؟

عموماً شفت العجايب في هالمستشفى ، مدري لاني اول مره اشتغل بمستشفى او المستشفى هذا فعلا سيء

وايضاً نقطة السواليف اللي مالها داعي الموظفين يسولفون بكثره وانا اتضايق
السلام عليكم كيف الحال واطلب الاوراق او اعطيه الاوراق وامشي

لكن تخيلوا ان واحد منهم يتكلم وانا اسلك له لدرجه يسالني ليه ماتزوجتي (:

وش الحل مع هالاشكال ؟؟

ووش رايكم هل اطلع ومن ترك شيئاً لله عوضه الله خيراً منه / او اصبر واخذ لي خبره واطلع لمكان افضل ؟

والله يا أختي انا فصلت من وظيفة حكومية بسبب الفساد الأخلاقي والإداري بأكبر مستشفى بالمملكة وبقطاع حساس للغاية وكل ذلك لأنني أنكرت على بعض المفسدين في الأرض وعلى الإنحلال الأخلاقي بإدارة المستشفى ناهيك عن السرقات والنهب والتلاعب بالمال العام، ولم أترك أي جهة رقابية ووزارة مختصة إلا وتقدمت إليها ولكن لا حياة لمن تنادي، وحتى الآن ما تزال شكواي قائمة.
وعموماً فإن القطاع الصحي فاسد وسيء لا من رحم الله، فالمرأة المسلمة مكانها بيتها، إلا إذا كانت مضطرة للعمل فإنها تعمل في وظائف ليس فيها اختلاط نهائياً، فمهما كانت الفتاة محافظة سيأتي مسعور ليتحرش بها خصوصاً في مجال ليس فيه رقيب ولا حسيب مثل القطاع الصحي عامةً.
لذا أنصحك يا أختي بترك هذه الوظيفة العفنة ومن ترك شيئاً لله عوضه الله خيراً منها.
انا رجل ولم أرضى على كرامتي بأن تهان برغم المنصب الذي كنت أشغله والمميزات الوظيفية التي كنت أتمتع بها، وحالياً أمكث بدون عمل لمدة 9 أشهر وكلي أمل بالله بأن الله عز وجل وحده القادر على أخذ حقي وإنصافي في مظلمتي.

اسأل الله عز وجل لك ولجميع المسلمات الستر والرزق الحلال ،،،

خلك في شغلك و طنشي لا تردين على احد

بقولها لك على الاخر صدقيني مافي بيئة عمل مريحة 100 % وانتي قلتيها مافي وظايف امسكي وظيفتك تاخذين خبره واذا لقيتي شي افضل اطلعي بس انتبهي لاتطلعين وانتي مالقيتي شي ثاني


مووفقه

استخيري شفتي الوضع زاد اتركي وربي يعوضك تواصلي مع الشركات والمعاهد والمدارس بنفسك من غير ما تنتظري اعلان وظائف وستجدي البديل طوري نفسك من خلال موقع دروب دورات معتمدة من وزارة العمل وجهات قوية الاعتماد .