سلملم


لي فتره افكر في مشروع يريح راسي بلا محلات ملابس بلا هم

طرى علي فكرة قلاب مرسيدس و شيول للبطحاء وكذا

انا هنا لازم في رياده اكون ادير المشروع واحنا ممنوع السواقه كيف لو اني راكبه شاحنه ههههههههههههههه

مشروع تأجير معدات ثقيله منتشر وبقوة ..

المسألة تحتاج علاقات مع مقاولين ماسكين مشاريع كبيره عشان يدخلون سيارتك معهم.

وثانيا العامل لهالسيارات قلق ..ومشاكله واجده

المشروع هذا للاسف يحتاج شخص يتابع معه ويكون رجل افضل
وصيانته متعبه جدا للاسف

اعتقد نشاط المعدات الثقيلة صعب على النواعم
الا اذا كنتي من فصيلة أخرى

المعدات قرف كلها خربات في خراب
نصحيتي دامك بنت اتجهي على مشروع الايسكريم والكيك والحلويات الخ... بصفه عامه ,,تعلمي الطريقة بعدين افتحي كشك في مول حاولي تدخلي المواقع الاجنبية وتاخذين افكار جديده.
والله يوفق الكل

تفكير جرئ وينقصك الجديه فقط اعقليها وتوكلي. هذا المجال يحتاج شجاعه واذا انتي قدها لاتفكرين بعوار الراس اللي بيجي من ورى الشغله ولا التعب ولا غيره حددي هدفك وانطلقي وراح يجيك خير باذن الله ، اذا عندك راس مال معناها عندك قوه وانتي في موقع سيطره وبما انك انثى وصعب المجال عليك استغلي اي عاطل من حولك تثقين بقدراته ووظفيه بمقابل متواضع وخليه يدير وانتي بظهره خطوه بخطوه ولازم تكونين ذهينه عشان ماحد يستغلك. فقط خلك جاده وشجاعه وبتوصلين دام هذي الفكره تجرأ عقلك وفكر فيها

نصيحة لوجه الله ابتعدي كل البعد عن مشاريع المعدات الثقيلة بشكل عام, لم تعد كالسابق نهائياً..

الآن أصحاب الشاحنات, شاحناتهم واقفه عليهم بخسارة غير راتب السواق وبدون عمل.. ممكن تقعد واقفة بالاسبوع والاثنين..

وبعدها تطلع بمشوار أو حملة بـ 400* ريال أو أقل..

فنصيحة لوجه الله ابتعدي يا أختي, زمان ممكن من عام 2011 وما دون صح كان فيها رزق طيب..

أما الآن أسعار الإيجارات في الحضيض وهذا لو الواحد حصل شغل من الأساس.. ,وغير مشكلة المنع من المرور والمخالفات والميزان والصيانة المكلفة..

بحسبة بسيطة مشوار مثلاً بقيمة إيجار 400 ريال أو أقل, ولا قدر الله ضرب كفر من الكفرات قيمته لا تقل 850 ريال إلى 1000 ريال.. هذه قيمة الكفر فقط .. غير قيمة ورشة الصيانة المتنقلة (البنشري) إلي بيجي يبدل الكفر بكفر آخر جديد..

سبق وعملت بها وبعتها وتركتها نهائياً..

وفقك الله..

والله يا اختي انه فيها ذهب وماعليك من الي يكسرون مجاااديفك
واذا حابه انا اكون السواق لتريلااا وادور عقد لها مع الشركااات وتكون في الرياض لان فيه شغل كثير خصوصا شمال الرياض وبالردود يعني الرد الواحد بحدود 250 الى 300 ولو جبنا 4 ردوود احسبيها وشوفي واذا حابه نتواصل ع الخاص ونا اشرحلك وكل شي باسمك منك المال ومني الجهد

عندي لك مشروع افظل بعون الله وكذا مشروع راسليني خاص وان شاءالله اذا ربي كاتب خير بيجي