السلام عليكم ورحمة الله وبركاته

كل عام والجميع بخير


حبايبي بإذن الله ومشيئته نويت افتح مؤسسة مقاولات خلال الفترة القادمة وعندي بعض المعلومات وليس كل المعلومات عن طريقة التعامل في مثل هذا النشاط وكيف طريقة البحث عن عمل للعمال او عقود .
الموضوع كان ببالي قبل سنه تقريبا لكن للاسف واجهة احباط وتكسير مجاديف لليل وان البلد امتلى شركات والسوق نايم وغيره وغيره لين مليت وتركته وهالمره بحول الله اني عازم عليه لو وش يصير لكن تنقصني الخبره والإلمام بامورها وادارتها وطريقة التعامل مع العمال اذا جوا او نقلت كفالتهم

اللي عرفته من اطلاعي وقراءتي لمواضيع كثيره انهم بالبدايه يعطوني ثلاث تاشيرات ويٌفضل ما انقل كفالة احد على المؤسسة الا بعد ما تصدر التاشيرات عشان ما تنقص واني لازم اوظف سعودي واحد الى حد 9 عمال وبعدها ازيد العدد.
ووش الجنسيات اللي عليها طلب وشغلهم ممتاز والناس تدورهم وتتمسك فيهم

لكن عندي موضوع التامينات يبغالي اطلع عليه اكثر لاني ما اعرف كم احط رواتب العمال عشان احسب حساب الدفعات الشهريه للتامينات كم اقل شي يكون وكيف اضمن حقي وحقه بمسيرات الرواتب عشان لا يطالبني بشي اذا جاء يبي خروج وعوده .

وكيف ابحث لهم عن عمل بحكم ان الشركة توها جديده وانا جديد ولا عندي خليفه وين ابحث وكيف اجيب العمل لهم
وهل تنصحوني ابحث عن مهندس معماري او مقاول وانقل كفالته على المؤسسة وازيد عدد العمال ويصير اخليه مشرف عليهم واستلم مشاريع وكذا ....


اتمنى من كل واحد عنده خلفيه او معلومه لو بسيطه يفيدني ويفيد باقي الاخوان للي يفكرون بنفس الموضوع

وجزاكم الله كل خير مقدما والف الف شكر لكم جميعاً

بإنتظار مشاركاتكم وخبراتكم