السلام عليكم

كل عام والجميع بخير واعاده الله علينا بالصحه والعافيه

انا بعد كم يوم بإذن الله بوقع عقد محلي
لكن ابي اعرف وش المطلوب مني غير السجل التجاري؟
ووش المطلوب اخذه من اوراق من المالك للبلديه عشان الرخصه سمعت لازم رخصه بناء للموقع ؟
و الاتفاق بيني وبين المالك اول سنه بينقص من مبلغ الايجار حدود 7 الالاف والسنه الثانيه الايجار المعتاد
في حال الرغبه في الاستمرار في المحل لان اتفاقي معه سنه ثم اجدد لسببين الاول خايفه من الشارع يتقفل بسبب المترو الى الان الشارع ماشي ومافيه حفريات السبب الثاني لاني طلبت يخفض لي الايجار ويتعاون معي وافق ينقص اول سنه
كيف اضمن حقي وحقه بحيث لا اظلمه ولا يظلمني وياليت من سبق له استئجار محل يعلمني
كل شي بالتفصيل من أ ال ي الله يسعدكم اول تجربه و ضايعه

وعليكم السلام ورحمة اللهوبركاته

واضح بأنك تنقصك الخبره عندما تريدين ان تأخذي المحل لسنة واحده , اول سنه هي سنة لتسويق ومعرفة الناس وثقتهم به واثبات مكانة المحل وليست للكسب
المكاسب لن تأتي أول سنه ستبدأ مع حلول السنه الثانيه , العقد لمدة سنه قد يرفع عليك الايجار بالسنة الثانيه فالافضل يكون العقد اقل شي 3 سنوات وان زاد فهو افضل الى 10 سنوات لكي لايرفع الايجار والتسديد كل 6 شهور فقط هذا المتعارف عليه لجميع المحلات يعني لا تدفعي حق سنه او حق 3 سنوات ابدا كل بداية 6 شهور يكون الدفع .

متطلبات البلديه لاستخراج رخصه هي صوره من السجل وصوره من رخصة البناء وصورة من عقد الايجار فقط

والأمور سهالات ان شاء الله حتى وان تقفل الخط صعب اقفال المحل وانتي متكلفه فيه اثاث وديكور ومعدات , وان قدر الله وما اشتغل المحل خلال السنتين الاولى يمكنك عدم الاستمرار بالدفع لسنة الثالثه بالعقد ,لان العقد 3 سنوات اللتزام من صاحب العقار بعدم رفع الايجار والامور تمشي بالتراضي والفهم السليم .

حكمه استفدت منها بتجربتي في أول محل لي : أمشي ببطئ في مشروعك لكي لا تتعثر بالسرعه


وفقكم الله

راجع خريطة المترو عشان تعرف يمر في محلك او لا اذا يمر انسى المشروع نهائي

الاوراق المطلوبة كالتالي :

عقد الايجار
صورة من رخصة المكتب العقاري المؤجر
رخصة البناء
شهادة اتمام البناء
سجل تجاري
صورة لوحة المحل
كروكي للموقع
نموذج طلب رخصة جديدة تحصله في البلدية

هذي الاوراق كاملة تجيبها بإذن الله يعطونك موعد للمراقب

اختي مشروعك محل اسر منتجه?
لاني قرأت لك كذا رد بالخصوص هذا

مشروعي نفسك بس اضيف اشياء اخرى
عشان مايكون اعتمادي ع الاسر المنتجه فقط

الخاص مايستقبل عند ياليت نفيد بعض

يعطيكم العافيه جمعيا
بخصوص الاخ منتسب انا عندي خبره ومارست التجاره اكثر من 3 سنوات وعندي شهادات في التسويق والاداره
لكن اتوقع ماعرفت اشرح مقصدي ( عندي علم ان اول سنه تأسيس وممكن المالك يزيد الايجار بس الاتفاق واضح من البدايه
العقد بيكون لعده سنوات لكن اول سنه فقط بسعر خاص ثم باقي السنوات بسعر الايجار كباقي المستاجرين فقط )

لكن للاسف وقفنا عند مشكله العماره مافيها ورقة رخصه بناء
ولكن سألت وقالو ممكن صوره من رخصه المحل المجاور تفي بالغرض للتأكد
وش رايكم المعقب بياخذ فوق 7000 عشان هالمشكله ويقدر يخلص المعامله بدون فسح البناء