السلام عليكم

لو فتحت ووشة صيانة سواء ورشة جوال او نجارة او حدادة او تكييف تبريد
فكم تكون تكلفة الاسعار

حيث يكون الاتي كالتالي :
احيانا سوف احتاج الى بعض العدد
حساب الايجار
حساب وقت العامل
حساب الربح
حساب الخطر و المخاطرة

فكيف اضع تسعيرة مثل المنيو
تغيير شاشة ايفون بسعر كذا
تغيير شاشة سامسونج بسعر كذا
تغيير شاشة ايباد بسعر كذا

هذي تحتاج فيها دراسة جدوى ، عشان تطلع لك تسعيرة كل شيء كل شهر

كم تدفع تكاليف الكهرباء كل شهر
كم تدفع تكاليف الماء كل شهر
كم تدفع تكاليف الجوال كل شهر
كم تدفع تكاليف راتب العامل كل شهر
كم تدفع تكاليف العدة كل شهر
كم تدفع تكاليف قطع الغيار كل شهر
كم تدفع تكاليف ....الخ .... كل شهر

بعد ما تطلع تسعيرتك كل اللي فوق على اساسها تحط تسعيرتك اللي قلت

عشان تغطي خسايرك في التكاليف


شف الصور


https://www.btalah.com/t670793.html

والله يا غالي من الاخر شف سعر السوق وخلك مثله واذا تبي تكسب زبائن اكثر انزل عليه شوي ... وبطبيعة الحال راتب العامل يكون بالسعر المتعارف عليه بس اهم شي المحل ما يكون إيجاره غالي والرزق من الرزاق

فيه نوعين من التكلفة
ثابته: ماتتغير مع الانتاج مثل ايجار المحل, راتب العامل الثابت شهرياً
متغيرة: تتغير مع الانتاج, مثل المواد, اذا عندك محل نجارة, كم متر خشب حتى تنتج قطة اثاث مثلا؟ كل مازاد عدد المنتجات زادت المواد وزادت التكلفة. اذا محل جولات كل جهاز تصلحه له تكلفة معينه, كل ماصلحت اجهزة كل مازادت التكاليف وكذا ...
بس بحالة التكايف الثابته, عدد المنتجات ماتغير التكاليف, الايجار نفس الشي انتجت 100 او 1000. راتب العامل الثابت كذلك مايتغير مع ارتفاع الانتاج.
اي تكاليف بتدفعها مرة وحدة ولاراح تدفعها مرة ثانية مثل الاثاث, خذي تسمى تكاليف مبدئية ومالها علاقة بشكل مباشر بالتسعير.
اذا بتشتري معدات غالية, لها تكفة اسمها اهلاك, وايراد بنهاية عمر المشروع.
بالنسبة للعامل هل راتبه شهري؟ او تدفع له على حسب الجولات اللي بيصلحها؟ او الوقت؟ او له راتب ثابت وعمولة على كل جهاز؟
اذا حددت الاشياء هذي تطلع تجيب نقطة التعادل حتى تجيب الاسعار
غير هالكلام بيحوس مشروعك لانك احتمال بتحط تسعيرة مثل باقي السوق وانت تقدر تخفض السعر وتصير ربحان. او ان المشروع مايدخل فلوس اساساً. اعرف واحد كان فاتح مقهى ومبسوط ان فيه زباين وبنهاية السنة دخله كان اقل من عشرة الاف

اهلا وسهلا اخي الكريم

عن نفسي لااعتمد على دراسة جدوى وانما :- ابحث في المحلات اللي

نفس نشاط محلي واشوف الاسعار حبه حبه واقوم بتسجيل بعض منها

واتابع العامل كم استغرق من الوقت في فك واصلاح القطعة واعطيه سعر تقريبي

ولكن مايكون مرتفع وانما اقنع بالقليل مدة شهرين اوثلاثة وذلك لسببين :-

اولا :- حتى اتعرف على التسعيرات من السوق بدقة

ثانيا :- اكسب عدد اكثر من العملاء

ولك تحياتي

تبي نصيحتي اخي الكريم عندي لك راي

دور محل واشتغل عندهم م}قت لمدة شهر مثلا وراح تستفيد 3 شغلات

راح تعرف كم الارباح والتكلفة من اسعار قطع وغيرها

تكتسب خبرة عملية وتستفيد وعلى ضوئها تقرر تبدأ المشروع او لا

تكون علاقات مع الموزعين وغيرها وبالتوفيق

الله يوفقكم ويسهل امركم
امين