مساء الخير شباب
كل عام وأنتم طيبين إن شاء الله
حبيت اخذ رأيكم ومشورتكم
وقال المثل ( من أستشار ما خاب )
عندي اختبار في ارامكو يوم الاربعاء الجاي الساعه 7 صباحاً
وعندي قبول مبدئي في قوة الصواريخ الاستراتيجية يوم الاربعاء بنفس اليوم
الساعه 6 صباحاً
وبصراحه محححتار جداً ..
اخاف اسحب عالثانيه وما اتوفق فالاولى
والعكس كذالك ..
مؤهلي كلية تقنية
فـ تكفون ابي رأيكم لعلي أستفيد منه وأفيد به الجميع
وشكراً لكم

استخير والله راح ييسر لك الافضل .. اما في حال وجود الاثنين فارامكو افضل

بدون ما تسأل أرامكو

__________________
ومن يعمل من الصالحات وهو مؤمن فلا يخاف ظلما ولا هضما

اكيد ارامكو

جيت متحمس وبغيت أكتب روح للإثنين وبعدها عرفت أنه نفس اليوم
فنصيحتي لك هي إذا كان معدلك مرتفع يعني من جيدا جيداً إلى ممتاز ولغتك الإنجليزية متوسطة فإذهب لأرامكو أما قوة الصواريخ الإستراتيجية بإمكانك أن تقدم عليها في كل سنة إلى أن تصل لعمر الثلاثين عكس ارامكو فبرنامج التدرج للكليات يقبل لحد 26 عام
والله يوفقك ويكتب لك الخير

اشكر الجميع ، والله يسعدكم ❤️

العسكرية دايم خلها اخر الحلول

صحيح العسكريه تقدر تقدم مره ثانيه وتاخذ وكيل رقيب باي قطاع عسكري خصوصا وظايف العسكريه متوفره ومعلنه بكل وقت

وتقدر تقدم بالتنجيد وباذن الله تنقبل لكن جرب ارامكو اذا لغتك انقلش زينه وقريبه لك جرب ارامكو اذا مشت امورك خلال سنه خلك فيها اذا ما مشت امورك عندك عسكريه ومدنيه بعد تقدر تقدم عليها بعدين .. والعسكريه خلها اخر حل حسب عمرك المهم خلك عملي ومنبط سواء بارامكو او غيرها والله يوفقك

لكل من أدلىٰ برأيه ، الله يسعدكم جميعاً ، ونا قررت اواصل ف ارامكو واسحب على العسكريه والله يعوضني خير