بسم لله الرحمن الرحيم

السلام عليكم ورحمة الله وبركاتة
اعلنت اليوم الخطوط الجوية (برنامج رواد المستقبل )

عن تحديد يوم الاختبار الانقليزي

اليوم***:*الخميس
التاريخ*:*28 – 7 – 2016م

الوقت*:*الثاني عشرة والنصف ظهرا

الموقع*:*الرياض /مركز الملك عبدالعزيز التاريخي (قاعة رقم 9) / حي المربع.

*

إحداثيات الموقع : مرفق خريطة للموقع

*

يجب إحضار الآتي:

1-*******أصل الهوية الوطنية*.

2-*******صورة مطابقة من الشهادة الجامعية موضح بها المعدل .

*

ملاحظة*:*في حالة عدم توافق أصول الأوراق الرسمية مع شروط التقديم فإن الاختبار يعتبر لاغيا.

*

شروط التقديم :

·******أن يكون المتقدم سعودي الجنسية ويحمل بطاقة الهوية الوطنية.

·******تحقيق معدل ( 2.75*من 4 )* أو* ( 3.75 من 5 ) في المعدل النهائي للشهادة.

·******أن لا يزيد عمر المتقدم عن 25 عاماً لحملة البكالوريوس وعن 30 عاماً لحملة الماجستير.

·******أن يكون خريجاً من إحدى الجامعات السعودية أو الجامعات الخارجية المعتمدة لدى وزارة التعليم.

*

يمكنكم مراجعة موقع "السعودية" لمزيد من التفاصيل عن شروط البرنامج والتخصصات المطلوبة.

*

مع تحيات : ادارة برامج التدريب الخاصة والابتعاث

سلام عليكم.. يعطيك العافية

هل اللي وصلت لة الرسالة تم قبولة مبدئي او لكل شخص يرغب في التقديم على البرنامج يروح يختبر..؟؟

وكيف طريقة الأختبار...؟


وشكراَ..

انا وصلتني..لكن ما اعرف انجليزي هل اروح او لا

السلام عليكم
انا وصلتني رساله اختباري بالدمام

سوال : هل فيه معاهد تدريب على اختبار الخطوط بالدمام ؟

كيف ياشباب فيه نماذج فيه اسئله سابقه

السلام عليكم ورحمة الله وبركاته

انا وصلني موعد الاختبار ان شاء الله بالرياض يوم الخميس لكن السؤال ؟

ماهو هذا الاختبار وعلى اي اساس يعتمد ؟

ماهو الأجراء اللي بعد الاختبار ؟ هل فيه مقابله اختبار ثاني؟

قريت انه فيه دوره او دراسه لمده سنه وسنتين ماهي آليه هذه الدراسه وهل فيه مواد رسوب نجاح ووين راح ندرس؟

الرواتب كم ؟

وأماكن العمل وين راح تكون ؟

الايميل وصلني من ايميل شخصي وليس ايميل رسمي ودخلت على موقع التقديم لايوجد حاله ولا طلب تتابعه

وحتى الايميل الشخصي المفروض يكون فيه معلومات كافيه وافيه للمتقدمين

صراحه كثير من الشركات والوزارات وضعهم مبهم ماتدري وين انت رايح ووش مقدم عليه ولا الاجراءات اللي راح تسويها

عشان على الاقل يساعدون المتقدمين يتخذون قرارات من البدايه ماهو ناخذ المعلومات من اجتهادات شخصيه ومصادر متضاربه

اتمنى اللي عنده اجابات الاسئله يفيدنا

شاكر ومتأسف على الأطاله

هنا بعض الروابط المفيده
http://www.4shared.com/file/QSYllWJ9/___.html

هنا رابط تجمع سابق
https://www.btalah.com/t524579.html

https://www.btalah.com/t124920-2.html

https://www.btalah.com/t436766.html

مدونه احد الاشخاص كاتب تجربته
http://mnw3ati-ana.blogspot.com/2015/01/29-1435.html

رابط لمشاركه احد الاعضاء (نماذج الاختبار)
http://www.traidnt.net/vb/traidnt2071747/


----------------

اتمنى لكم التوفيق
تراني ماني مسجل معاكم
وبحثت لكم وحصلت روابط هالمواضيع ممكن انها تفيدكم او تعطيكم فكره عن الاختبار

بالتوفيق إن شاء الله

التجمع ماله حس بعكس التجمعات السنين السابقة !

معقولة كل الأعداد المقدمة مايدرون عن هذا التجمع !

انا اختباري يوم الربوع ان شاء الله تتسهل شدو الهمه اللي اعرفه انه قبول مبدئي فيه اختبار لغه ومقابله واجراءات ثانيه

بسم الله

اليوم ثاني تجربة لي بعد اختبار السنة الماضية
وأشوفها أفضل الحمدلله


المكان : الرياض
مركز الملك عبدالعزيز التاريخي
قاعة الملك عبدالعزيز للمحاضرات

بداية إجراءات الدخول الساعة 8:00ص
وزعونا ثلاثة صفوف عند الاستقبال , صفين لخريجي الداخل , وصف لخريجي برا المملكة !

تبرز صورة من المؤهل موضح فيه التخصص والمعدل + أصل بطاقة الأحوال ,, + للمبتعثين خطاب المعادلة ..

راح يمر المشرف على الطلاب يتأكد , ثم تتقدم للمشرف الثاني تعطيه أصل الهوية يسجل اسمك على الحاسب , ثم تاخذ قلم رصاص من الطاولة وتدخل القاعة , العملية جرت بسهولة وسلاسة أفضل من العام ..


تدخل القاعة
يوجهك المشرف للجلوس , بحيث يكون بينك وبين زميلك كرسي فاضي,
تجيك ورقة الحضور تسجل بياناتك , اسمك كامل بالعربي ورقم الهوية والتوقيع ورقم الجوال ..

الاختبار ما راح يبدأ حتى يدخل جميع الطلاب للقاعة ويسجلون الحضور بالورقة ..

ثم تبدأ تعليمات الاختبار
لازم تطفي جوالك وتنزل جميع أغراضك على الأرض محفظة , ساعة , الأوراق اللي معك , كل شي ينزل عالأرض ! وإلا راح تستبعد من الاختبار ؟!
( على كلام المشرف ان المتقدمين كثير , وبتوجيهات من الإدارة لازم يقلصون عدد المتقدمين قد ما يقدروا , فأي خطأ راح تسويه راح يستبعدونك بدون ما يشاورونك ).


استلمنا ورقة الإجابة
نفس طريقة اخبار قياس
عبارة عن ورقة واحدة من وجهين
وجه تسجل فيه اسمك ورقم الهوية وتضلل الخانات بعلامة " - " فقط
والوجه الثاني للإجابة


^^^
هذي كانت طقوس الدخول

&
يعطونك كراسة الأسئلة
بدينا الاختبار الساعة 9:32 ص
" الاختبار مدته ساعتين ,
الأسئلة فراغات اختيار من متعدد ,
الاختبار قسمين قسم القواعد 75 سؤال,
قسم الفوكابلوري (المفردات ) 75 سؤال ,
مجموع الأسئلة 150 سؤال ,
قسم القواعد سهل إلى متوسط المستوى , قسم المفردات متوسط المستوى ( بالنسبة لي ) "
ويبقى أفضل من العام لأنهم حذفوا قسم الاستماع والقراءة x Reading & Listening x

راح يبدأ الخروج على دفعات,
في الأول كان يقول بعد ساعة ونصف من بداية الاختبار ,
بعد ما راحت ساعة وعشرين دقيقة بدأ المشرف يصرف الطلاب على دفعات,

انتهيت وكان باقي 25 دقيقة ..
بدت الدفعة الثانية بالخروج ..
" طقوس الخروج "
أول شيء لا تنسى أغراضك اللي في الأرض , خذها بس لا تفتح جوالك,
سكر كراسة الاسئلة وخلي فوقها ورقة الإجابة على الوجه اللي فيه اسمك , جهز بطاقة الأحوال وقلم الرصاص

تقوم من مكانك وتصف مع الطلاب , إذا وصلت للطاولة الأولى وقف عندها وحط قلم الرصاص وانتظر إشارة المشرف
المشرف يقول لك تقدم , تعطيه كراسة الأسئلة وورقة الإجابة وبطاقتك
يتأكد من بياناتك , ثم تطلع ...

باب الخروج غير الدخول , بعد ما تعطي أوراقك للمشرف اطلع مع الباب اللي عنده وروح يسار مع الدرج ..

وصلت الساعة 7:30 وخلصت الساعة 11:15 تقريباً , فلذلك خذ احتياطك ..
وبالتوفيق ..


# الحضور اشوفه أقل من العام اتوقع حضر 150 طالب, العام اتوقع كانوا قريب 300 طالب ..
# على كلام المشرف الاختبارات راح تكون في الرياض + الشرقية + جدة + أبها ..
# الرد راح يجي للي اجتازوا بعد 3-4 أسابيع من الاختبار ..

# افطر مضبوط وجيب معك مويه لأنك حتطول شويتين ..
# حاول تكون في المواقف 7:45 ولاتنزل من السيارة إلا 7:58 عشان ما تسيح مع الحر ..
# اذا تحتاج دورة المياه اطلع قبل بداية الاختبار بعشر دقايق أثناء التحضير ( راح ياخذ الهوية حتى ترجع ) ..

موفقين يا شباب ..