ولله يالامير ماعندي اي خلفيه لاكن احب اقولك توكل على لله والي تخرجو قبلك زيك زيهم مابينكم فرق

الله يسعدك ويوفقك يا رب

ج 1 / بداية الدورة صعبة جدا لانك راح تتحول من الحياة المدنية الي العسكرية
وفيه امور راح تتغير عليك مافيه لا جوال ولا طلعات ولا حرية وتكون مقيد بجدول معين لكن نصيحة اذا دخلت الدورة لا تفكر بالناس اللي بره فكر بس كيف تعدي جدولك اليومي وصاحب الناس الصالحه وامورك راح تزين اصعب فتره هي اول اسبوع اذا عديته وتعودت خلاص كل امورك تمشي وخلك بالك طوويل واضحك وفلها مع الناس وابعد عن النوعيات اللي يسمونهم نفسيه علشان ما تاثر علي نفسيتك وصدقني الايام راح تعدي وكل شي سهالات وتذكر كل اللي تخرجو مو احسن منك صبرو ونالو

ج 2 / اصعب فتره هي اول اسبوع من الدوره اذا عديته خلاص كل شي سهالات

ج3 / فكرة الهروب انساها من بالك ولا تفكر فيها اطلاقا تذكر وحط في بالك
انه الوظايف هالايام مو بالسهوله راح تنال لها دام جاتك الوظيفه قل الحمدلله
وخل عندك ارادة وعزيمة انك قدها والايام تمشي سريع والصبر مفتاح الفرج والفرح

ج 4 / بالنسبة للمدربين ايه نعم فيه مدربين شديدين وفيه عسل لكن صدقني مع الوقت راح تتعود عليهم ويصير الوضع طبيعي

ج 5 / الروتين سهل وراح تتعود عليه من ناحية الاكل بشكل عام جيد وبداية الدورة راح تكون اكثر شي تدريب حركات عسكرية وتعليم المشاه والجزوات لابد منها بالحياة العسكرية ومعاملة المدربين راح تكون شديده شوي في بداية الدوره لكن مع الايام كل شي راح يتغير وسبب انهم شديدين ببداية الدورة علشان يشوفون منهو اللي يصبر ويتحمل بالدورة لكن مع الوقت كل شي راح يتغير

وراح تسمع كلام كثير يجرح من المدربين لكن قفل اذانك وخل كرامتك عند بوابة مدينة التدريب والامور كلها سهالات ولا تشيل هم وربي يوفقك ويسهل امورك وعقبال ما نشوفك متخرج