السلام عليكم ورحمة الله وبركاته


ببغيت استشيركم بكم شغله انا مقدم على وظيفة بقطاع خاص

ووقعت العقد بس لسى ماسجلوني بالتامينات وكمان تم ترشيحي لمقابلة شخصيه

بديوان المظالم ع المرتبه الرابعه وقبل كم يوم نصحني واحد من اخوياي

اني اسجل بريادة لدعم المشاريع وتم قبولي مدئيا بدعم صيانة الجوال لاني عندي خبره بصيانة الجوال

وتنزيل البرامج والفرمته

وبصراحه انا محتار ومادري هل اجازف بالوظيفة وابدى مشروعي واعتمد على نفسي ؟؟


وهل سوق الجوالات فيه ربح مضمون خاصه بمدينة تبوك !


علما ان الوظايف الي مقدم عليها راتبها 4 الاف وشوي الخاص , والحكومي


ابغى مشورتكم الله لايهينكم خاصه الي ماخذ قرض من ريادة

انصححك اذا لك خبره بمجال الجولات صيانه وبرمجه ومبيعات صدقني دخلها يغنيك عن الوضيفه نهائيا بما ان راتب الوظيفه 4000 ريال ما تغطي مصاريف الحياه وللعلم عندك مهله سنه و6 شهور وفوق هذا راتب 3000 ريال شهريا لمده سنتين لذلك انصحك تقدم

وفقك الله استخير واستشير

انصحك بالوظيفة الحكومية ..

تقولي ليش ؟

لان تقدر تاخذ قرض من البنك كاش ..

ريادة قرضهم دفعات وفواتير وبلشه ..

البنك يعطيك كاش وتكفيك 50 الف تفتح فيها محل ..

تصير تداوم الصباح في الديوان ومن بعد العصر للساعه 10 في المحل ..

كذا صار عندك دخلين وظيفة ومشروع ..

ياخوووي أول شي الله يوفقك ويدلك على ماهو خير لك

ثانيا

توكل على الله وشوف لك محل جوالات دام عندك خبره في الصيانه والبرمجه

أهم شيييي الموقع الزين شف لك مجمع شغال وتوكل على الله وأخذ فيه

وفيه هنا موضوع للجوالات الاخوان مسوين فيه قروب واتساب أدخل معهم

وفيد وأستفيد الحين أكثر الي متوظف يبي يتحرر من قيود الوظيفه

أذا بتعصب راسك وتشد همتك توكل على ربك والله العمل الحر فيه خير

والجوالات الحين فررصه ولا يبي لها مجهود جسمي أكثر شي تغيي شاشات

أستخير الله وتوكل عليه وأقدم بإذن الله تشوووف الخير

ولا تنسى تدخل مع الاخوان في القروب

وفقك الله

اخي انصحك اذا عندك خبرة بالجوالات توكل علي الله اهم شي اختيار مكان او مجمع شغال وفالك التوفيق

اذا الراتب تحت السبعة الاف

لاتتوظف

وانت بيدك صنعة جميلة
اشتري قطع الغيار من الجملة بالرياض بالبطحا واشتغل بالصيانة
واذا مشت امورك اشتري من دبي سيتضاعف الربح عندك

انت اكثر واحد يعرف نفسك


هذا مستقبلك ولك الخيار

قيم كل خيار وطلع ايجابياته وسلبياته وشف شغفك وين واستخير وتوكل ع الله

لا يستطيع أحد أن يقرر بنيابة عنك ..
فأنت أدرى الناس بنفسك ..

فهل طموحك للعمل الحر أم لا ؟
وإن كان للعمل الحر ، فأي عمل تريد وماذا تعرف عنه ومدى حبك له ..

ماهي ظروفك .. قدراتك .. مهاراتك ..

أسئلة كثيرة لا يعرف اجابتها إلا أنت ..

لكن تأكد أن التجارة فيها تسع أعشار الرزق ..

بشرط أن تعقل وتتوكل ..

الأمر الأخير ..

تسجيلك في التأمينات لا يمنعك من التفكير والبحث وكذلك التقديم على ريادة وغيرها ..

لأنه في حالة القبول يشترطون عليك التفرغ ..

سدد الله خطاك ووفقك الباري لما فيه خير لك ولغيرك..