بسم الله الرحمن الرحيم

في البدايه احب اشكركم ع دخولكم لموضوعي

انا ياطويلين الاعمار ذي ثاني سنه لي بالجامعه و الصراحه مليت منها قلت ابي احول ع القطاع العسكري

بس فيه شي ماعرفه اللي هو وزاره الدفاع و وزاره الداخيه وش الفرق بينهم وهل فيه شي افضل من الثاني والا سوا

ثاني شي وش تنصحوني فيه دفاع (وش القطاع) او داخليه(وش القطاع)

علما طولي بين ال 165 و 167
و مشكورين

انصحك نصيحه لوجه الله
اصبر وادع ربك يعينك
كلها كم سنه وتخلص وتتخرج
وشد حيلك
وبعدها عندك خيارات كثيره ( ضابط او فرد على رتبة رقيب او وظيفه حكوميه او وظيفه خاصه براتب حلو او تكمل ماجستير ماتدري عن نفسيتك يمكن تتغير بعدين او ممكن تسير معيد )
كمل جميلتك حقت دراسه 12 سنه
جملها سنتين وتخلص الجامعه ع الاقل وامورك وباذن الله تزين
لاتترك الجامعه ابد ولا تفكر في تركها اصبر والله بيفرجها

دخلت الجامعة انتساب
وتوني متخرج بشهر 8 الأيام مرت بسرعة

شد حيلك
وكمل الجامعة

اخي الكريم لا انصحك بترك الجاامعه


اصبر وتذكر ان الله مع الصابرين


ولعلمك ان تركت الجامعه الان كأنك

تنسف شهادة الثانويه وتسجل بالكفاءه ولعلمك

بعد الداخليه مايقبلونك لان طولك اقل من الطول

المطلوب عندهم وهو 170 وبعض القطاعات تقبل 168

اما الدفاع فلا يسجل بها الا من ضاقت عليه السبل ولاتنطبق عليه

شروط الداخليه والحرس حول الجيش ,, وسلامتك ’’’

والله ياخوي ان كان قصدك انك تسحب على الجامعه وتقدم في العسكريه بالثانوي
فهذي ما تقدر عليها الا تجنيد يعني تصير جندي اما ضابط ما تقدر لانهم ما يقبلون الا خريجين السنه الحاليه فقط الافضل لك انك تكمل جامعتك وبعدين اذا كانت لك رغبه في العسكريه قدم على الامنيه اللي هي وزارة الداخليه
والحرس الوطني و الدفاع

والافضل اكيد الامنيه وبعدين الحرس و بعدين الدفاع
بس الدفاع ما عو مريح ورواتبهم اقل القطاعات العسكري الا الجويه في الدفاع يعني اذا دخلت الدفاع لا تدخل الحربيه او البحري او الدفاع الجوي ادخل الجويه
والله يوفقك

وبخصوص الطول ما يهم اذا عندك واسطه واذا ما عندك ففوق ال 168 ان شاء الله ماعليك خووف والعسكريه ككل واسطاااات الا الجامعيين يمكن اقل شويه
وبتوفيق واذا تبي نصيحه وانا اخوك خلك مدني مافيه احلى من الوظيفه المدنيه

ترك دراستك سيوجعك ألمه طول حياتك وتبكي قهر بسبب هذا القرار
كملنا دراستنا وارصدتنا اصفااااااااااااار وغربه وهم وبعد ما مرت السنين العجاف توظفنا وبراتب زين وانت لو تبغى العسكريه تاخذها وانت ضابط ولست فرد والامر راجع لك وبالعربي احذرك مليووون لا تفكر بترك دراستك ولو يصير لك ما يصير والايام تمضي بسرعه والله يوفقك

مختصر الكلام
إحسبها بنفسك إذا سحبت على الجامعة وروحت للتجنيد بالثانوي بتكون جندي وتبدأ حياتك العسكرية من أقل رتبة ولو صبرت وكملت السنتين أو الثلات سنوات اللي باقية لك في الجامعة وتخرجت وروحت للتجنيد بتكون رقيب هذا غير أنه ممكن ربي يوفقك في الكليات العسكرية بعد الجامعة وتنقبل وتتخرج كملازم
وعموماً أغلب العسكر اللي أعرفهم يكملون دراستهم الجامعية إنتساب من أجل الترقيات أو لتحقيق أحلام دفنوها بقرار مثل قرارك يعني الدراسة الجامعية وراك وراك

كمل الجامعه
وبتنفتح قدامك جميع المجالاات
م في احد توظف بللثنويه ومرتاح
صدقني بتندم وتتحسف لو تركت الجامعه
شد حيلك وبترتاح بقيه حياتك ان شاء الله
الله يوفقك

كمل جامعه افضل لك

بالله بتدخل العسكريه برتبه جندي ولا جندي اول

اصبر تتخرج بعدها تدخل برتبه رقيب

اصبر وانا اخوك