السلام عليكم ورحمة الله وبركاته

هل القبول والترشيح لدراسة الدبلوم التربوي مضمون ؟ لإني قررت أكمل الدراسة ولكن بسبب تعارض الخطة الدراسية مع وظيفتي الحالية وجهة عملي ما تسمح بتقديم إجازة بدون راتب ، والحين ما عندي إلا خيارين إما الوظيفة أو الدراسة .

علماً إني متخرج من الجامعة قبل ثلاث سنين وإلى الآن ما لقيت وظيفة حكومية ووظيفتي الحالية في قطاع خاص وهي مؤقته لين أنقبل في القطاع الحكومي ، ورغبتي في الدراسة لزيادة نقاط المفاضلة والحصول على فرص أعلى وأولوية في التوظيف ، بالإضافة إلى رغبتي في التعليم اللي من شروطها الدبلوم التربوي .

محتاج شوركم وتوجيهكم لإن قرار ترك الوظيفة مصيري وفرص التوظيف الآن صعبة جداً .

حسب معدلك الجامعي وحسب اجتيازك اختبار قياس وحسب الاحتياج المطروح مع العلم اني مؤيد للتربوي لان القطاع الخاص او الحكومي ملحوق عليه اما التربوي يعتبر فرصه في وظيفه مهمه مثل التعليم اداري او تعليمي .. ارشح التربوي وربي يوفقك

وعليكم السلام ورحمة الله وبركاته

بكل تأكيد الدبلوم التربوي

الوظيفة الخاصه يأتي افضل منها بعد الدبلوم التربوي وفقك الله

أرى من الافضل انك تكمل تربوي إذا ضامن قبولك طبعاً لأنه نوعاً ما اصبح معقد من ناحية القبول
و اذا تبغى تتوظف في التعليم أما بالنسبة للوظيفه مو صعب ما تحصل بالذات القطاع الخاص
مثلاً صباح دراسة و مساء عمل ككاشير او وظيفة آخرى .
اذا انقبلت في التربوي اقدر اقولك قدم استقالتك لأن التربوي افضل من ناحية قبولك في التعليم
اما من ناحية القطاع الخاص ما يفرق
استخير و الله يوفقك

صوتي مع الاخوه تربوي
اعرف كم شخص يدرس في كلية التربية اذا في شي اقدر اخدمك فيه تواصل معي بالخاص

تحياتي طالب جامعي1

بالتوفيييق