السلام عليكم قرية عدد سكانها الف وتبعد عن المحافظة قرابة 25كم شمال المملكة طبعا . القرية ثلاثة مدارس للطلاب ومجمع للطالبات 250تقريبا طلاب وطالبات من خارج القرية المشاريع التجارية ( 3 بقالات , محل خضار. 3بوفيات لنا وحدة مهنم مغسلة ,2حلاق. محطة بنزين وغاز . محل اواني منزلية وملابس خليط ههههه) القرية اغلبها وراعين يدوجون بالشوارع سياكل ورجليه وما يمرحون الليل خاصة بالاجازات اذا جو ورعان المدن اجازات يدشرونهم ههههه وكلهم وعيشتهم على هالبوفيات . فتحت بوفية ولله الحمد ماشية تمام التمام وكلها من الورعان الله يكثرهم كمان وكمان في البداية ما يشتري مني الا جماعتي ههههه مثل ما انتم عارفين القرى ياخذونها فزعة حتى على حساب نفسه ههههه لكن الحمدلله طباخنا مميز وندين بعد , طباخنا وورعاننا وديننا قدروا يجمعون شتات القرية تحت سقف بوفية واحدة , الآن انا في طور افتتاح بقالة صغيرة بجانب البوفية وان شاء الله مستقبلا محل خضار ايضا بجانبهم ,, المشاريع هذي حلوه وبسيطة ودخلها من الف الى الف وخمسمائة نعمة من الله لكن اخوكم يبي مشاريع تكلفة بسيطة وربح عالي ههه طبعا اخوي مدير مدرسة الثانوي وعيال عمي لزم واحد مدير الابتدائي والثاني مدير المتوسط يعني شبة مسيطرين على القرية ههههه فكرت بالمقاصف بس يبيلها ايدي عامله كثير وصرفت النظر ، زبدة الكلام عندنا اراضي تمترح فيها الخيل حوشه هههه اي مشروع تبغى تسوية سوه بدون صك وبدون قلق وموظفين البلدية حبايبنا وامورنا طيبة بس العيب الوحيد انها قرية واكثرهم ورعان والمحافظة قريبة منا ( رايكم وش المشاريع اللي تنقع بالقرية مشاريع جديد غير مستهلكة وبس ) اسفين على الخثاق والاطالة